U Śvietłahorskim rajonie dziaŭčynki 8 i 10 hadoŭ spustošyli pčalnik i skrali 20 kh miodu
U Śvietłahorsku prajšło pasiadžeńnie Kamisii pa spravach niepaŭnaletnich, padčas jakoha razhledzieli hetuju niezvyčajnuju spravu. Pierad členami kamisii paŭstali dźvie dziaŭčynki — 8 i 10 hadoŭ.
Jak patłumačyli na pasiadžeńni, žychar adnoj ź viosak rajona źviarnuŭsia ŭ milicyju. Jon prasiŭ pryciahnuć da adkaznaści nieviadomaha vykradalnika, jaki razburyŭ jahony pčalnik.
Pry hetym źnikli 11 ramak ź miodam, byli pierakulenyja vulli, i zahinuli pčalinyja siemji.
U vyniku milicyja ŭstanaviła, što miod vykrali hetyja dziaŭčynki.
Ich maci ničoha ŭciamnaha patłumačyć nie zmahła. Skazała, što historyja nie padałasia joj dziŭnaj: maŭlaŭ, dziaciej pačastavała znajomaja žančyna. A heta, prynamsi, pavodle vydańnia «Homielskaja praŭda», kala 20 kh miodu.
Škodu paciarpiełamu žančyna nie kampiensavała, toj budzie źviartacca ŭ sud.
Śpiavak Dźmitryj Kałdun pakazaŭ svaju minskuju kvateru niedaloka ad Drazdoŭ ŠMAT FOTA16
Kamientary