«Padličyŭ i ašaleŭ»: minčanin raspavioŭ, kolki patraciŭ za 4 hady na karšerynh. Ci atrymałasia zekanomić?
Błohier pad nikam lipa_stickiton vyrašyŭ raspavieści ŭ tyktoku, kolki hrošaj patraciŭ na karšerynh u Minsku za čatyry hady — uličvajučy toj fakt, što chłopiec karystajecca im rehularna.
— Ja padličyŭ, kolki hrošaj vydatkavaŭ na karšerynh, i ašaleŭ. Aktyŭna karystajusia karšerynham dzieści čatyry hady: z domu na pracu, z pracy dadomu, nu i plus jašče niejkija pajezdki. U adnym mabilnym dadatku napisana, kolki ty prajeździŭ, a ŭ inšym ja ŭdakładniŭ u słužbie padtrymki.
Vyśvietliłasia, što chłopiec karystaŭsia arendnymi aŭto ažno 48 tysiač chvilin. Jon raspavioŭ, jak źmianiŭsia košt za hety čas: ad 29 da 45 kapiejek za chvilinu. Błohier padličyŭ, što zapłaciŭ za pasłuhu kala 15 tysiač rubloŭ.
— Kali padzialić na 48 miesiacaŭ, to atrymajecca, što štomiesiac ja traciŭ na karšerynh 312 rubloŭ. Mnoha heta ci mała, ja nie viedaju. Mnie zdajecca, płaciež pa kredycie za novuju mašynu byŭ by našmat bolšy.
Mienš čym za sutki videa nabrała kala 212 tysiač prahladaŭ. Bolšaść kamientataraŭ pahadziłasia z tym, što vykarystoŭvać karšerynh bolš vyhadna, čym mieć svoj ułasny aŭtamabil: «Masła, filtra, padvieska, strachoŭka, bienzin — padobna, ty ŭ plusie», «312 rubloŭ — heta tolki bienzin na miesiac. Kali jeździŭ na pracu na karšerynhu, vychodziła kala 200-300 rubloŭ štomiesiac. Samy prosty kredyt na «Džyli» ź bienzinam i absłuhoŭvańniem — 1200».
Ale ž adna dziaŭčyna padzialiłasia i niehatyŭnym vopytam karystańnia arendaj aŭto: «U mianie za adnu pajezdku atrymałasia 25 tysiač rubloŭ. Niezapłanavanaje spynieńnie ŭ kiuviecie». Kamientatarka śćviardžaje, što nie zasmuciłasia i vyniesła šmat urokaŭ, jakija paŭpłyvali na jaje dalejšaje kiravańnie.
Braty-bliźniaty pryjšli pracavać u milicyju. Adzin ź ich pierapłyŭ raku i ŭciok ź Biełarusi, kab nie zajmacca palityčnymi spravami. Pahutaryli ź im1
Kamientary
🔎 Nam nieabchodna šukać — i z usimi lupami znachodzić! — adpaviedniki hetaje barbarščyny. Ale voś što tutaka cikava.
💯 Ujavicie, što nie pryciahnuli b łasyja da ŭsiaho zachodniaha rasiejcy ŭsie hetyja ćfu-«hadžety» ŭ svoj, jak bačna, nia nadta «vielikij i mohučij». To, upenieny, nie źjavilisia jany j u tych, chto hetak apantana staić na varcie narkama(na)ŭki.
🔔 Biedarus, tamu nia śpiner. Raspraŭ svoj kaścinh i ŭsie skiły, dy pa-dajvinham tych błochieraŭ i pseŭdažu..staŭ, što raźviesili koŭč łakšary tabie na łapuchi. U hiorłu im aŭtlet, kab jany ažno załajkali ad krypaty svaimi ejčarami. A chudzi! Chajp schopić ich za-klininh.
🚯 Čaho ž staim koł-centram? A-nu, dziavajsy j chłapajsy, spyniajma hety brend!