Hienštab zapeŭnivaje, što z terytoryi Biełarusi niemahčymaja vajennaja ahresija
Sučasnyja padychody harantavańnia vajennaj biaśpieki dziaržavy i ich realizacyju ŭ novaj redakcyi Vajennaj daktryny Biełarusi abmierkavali ŭ Homieli.
«Jana nie mianiajecca prosta tak, zrazumieła, jaje redahavańnie vyklikaje naściarožanaść u naroda: ci nie źbirajemsia my vajavać? U hetym płanie možna supakoić nasielnictva: u Kanstytucyi našaj krainy skazana, što z terytoryi Biełarusi niemahčymaja vajennaja ahresija», — skazaŭ načalnik druhoha adździeła infarmacyjna-analityčnaha ŭpraŭleńnia Hienieralnaha štaba Uzbrojenych Sił Uładzimir Apałonik, piša «Sputnik».
Što tyčycca ŭdakładnieńniaŭ pałažeńniaŭ daktryny, to jany ažyćciaŭlajucca va ŭmovach istotnaj źmieny hieapalityčnaj situacyi albo pry źmienie ŭnutrypalityčnych umoŭ raźvićcia dziaržavy. Dla Biełarusi takija ŭmovy skłalisia, miarkuje pradstaŭnik Hienštaba.
«Pa-pieršaje, radykalna źmianiłasia vajenna-palityčnaje stanovišča ŭ Jeŭrapiejskim rehijonie. Hłabalnaje supraćstajańnie pamiž Zachadam i Uschodam pierajšło ŭ haračuju fazu. Niepasredna la našych miežaŭ raźviazany vajenny kanflikt, jaki ekśpierty nazyvajuć vyrašalnym dla dalejšaha ŭładkavańnia śvietu. Pa-druhoje, na refierendumie biełaruski narod pryniaŭ rašeńnie karekciroŭki pałažeńniaŭ Kanstytucyi, źjaviŭsia važny dziaržorhan, upaŭnavažany farmiravać i realizoŭvać vajennuju palityku Respubliki», — padkreśliŭ Apałonik.
Jon taksama adznačyŭ, što ŭ dziaržavie raspracavana i ŭchvalena novaja redakcyja Kancepcyi nacyjanalnaj biaśpieki, u joj bolš vyrazna sfarmulavany pieralik nacyjanalnych intaresaŭ, udakładnieny śpiektr krynic pahroz, zakrytyja «biełyja plamy» ŭ pytańniach prymianieńnia vajennaj siły ŭ mirny čas, pryniaty znakavyja rašeńni ŭ raźvićci vajennaha siektara ekanomiki, novaje hučańnie atrymali pytańni voinskaha navučańnia i vychavańnia.
«Važny pasył novaj Vajennaj daktryny Respubliki — Biełaruś ni da adnaho narodu nie adnosicca, jak da svajho voraha, niezaležna ad dziejańniaŭ inšych dziaržaŭ», — zaklučyŭ pradstaŭnik Hienštaba.
«Jak kazaŭ Uładzimir Uładzimiravič Pucin». Vajennaja daktryna Biełarusi praduhledžvaje mahčymaść papieradžalnaha ŭdaru
U Hienštabie patłumačyli, u jakich uzbrojenych kanfliktach krainu buduć pieravodzić na «vajskovyja rejki», a ŭ jakich nie
«Napad na lubuju sajuznuju nam dziaržavu budzie ličycca napadam na Biełaruś» — Hienštab
Kamientary