Генштаб запэўнівае, што з тэрыторыі Беларусі немагчымая ваенная агрэсія
Сучасныя падыходы гарантавання ваеннай бяспекі дзяржавы і іх рэалізацыю ў новай рэдакцыі Ваеннай дактрыны Беларусі абмеркавалі ў Гомелі.
«Яна не мяняецца проста так, зразумела, яе рэдагаванне выклікае насцярожанасць у народа: ці не збіраемся мы ваяваць? У гэтым плане можна супакоіць насельніцтва: у Канстытуцыі нашай краіны сказана, што з тэрыторыі Беларусі немагчымая ваенная агрэсія», — сказаў начальнік другога аддзела інфармацыйна-аналітычнага ўпраўлення Генеральнага штаба Узброеных Сіл Уладзімір Апалонік, піша «Спутнік».
Што тычыцца ўдакладненняў палажэнняў дактрыны, то яны ажыццяўляюцца ва ўмовах істотнай змены геапалітычнай сітуацыі альбо пры змене ўнутрыпалітычных умоў развіцця дзяржавы. Для Беларусі такія ўмовы склаліся, мяркуе прадстаўнік Генштаба.
«Па-першае, радыкальна змянілася ваенна-палітычнае становішча ў Еўрапейскім рэгіёне. Глабальнае супрацьстаянне паміж Захадам і Усходам перайшло ў гарачую фазу. Непасрэдна ля нашых межаў развязаны ваенны канфлікт, які эксперты называюць вырашальным для далейшага ўладкавання свету. Па-другое, на рэферэндуме беларускі народ прыняў рашэнне карэкціроўкі палажэнняў Канстытуцыі, з'явіўся важны дзяржорган, упаўнаважаны фарміраваць і рэалізоўваць ваенную палітыку Рэспублікі», — падкрэсліў Апалонік.
Ён таксама адзначыў, што ў дзяржаве распрацавана і ўхвалена новая рэдакцыя Канцэпцыі нацыянальнай бяспекі, у ёй больш выразна сфармуляваны пералік нацыянальных інтарэсаў, удакладнены спектр крыніц пагроз, закрытыя «белыя плямы» ў пытаннях прымянення ваеннай сілы ў мірны час, прыняты знакавыя рашэнні ў развіцці ваеннага сектара эканомікі, новае гучанне атрымалі пытанні воінскага навучання і выхавання.
«Важны пасыл новай Ваеннай дактрыны Рэспублікі — Беларусь ні да аднаго народу не адносіцца, як да свайго ворага, незалежна ад дзеянняў іншых дзяржаў», — заключыў прадстаўнік Генштаба.
«Як казаў Уладзімір Уладзіміравіч Пуцін». Ваенная дактрына Беларусі прадугледжвае магчымасць папераджальнага ўдару
У Генштабе патлумачылі, у якіх узброеных канфліктах краіну будуць пераводзіць на «вайсковыя рэйкі», а ў якіх не
«Напад на любую саюзную нам дзяржаву будзе лічыцца нападам на Беларусь» — Генштаб
Цяпер чытаюць
Спявачку Мэрыем Герасіменка на працягу двух гадоў збіваў муж33
Каментары