MZKC adnaviŭ sieryjny vypusk aŭtobusaŭ «Nioman», jaki spyniŭsia praz sankcyi
Mienski zavod kołavych ciahačoŭ abviaściŭ ab adnaŭleńni sieryjnaj vytvorčaści aŭtobusaŭ «Nioman» siaredniaha kłasa ŭ kamplektacyi «Pryharadny», pieradaje telehram-kanał «Puł 4 Rehijon». Zavodu ŭdałosia zrabić ułasnaje šasi, jakoje stała bazaj dla stvareńnia liniejki aŭtobusaŭ.
Paśla ŭviadzieńnia zachodnich sankcyj MZKC u 2021 hodzie spyniŭ vypusk aŭtobusaŭ siaredniaha kłasa «Nioman-4202». Sprava ŭ tym, što jany budavalisia na bazie šasi Iveco Daily. Usia ahrehatnaja i kampanientnaja baza — dyzielny ruchavik, tranśmisija, rama, padvieska i viadučy most, elektryka, rulavoje kiravańnie, panel u kabinie vyrablałasia ŭ Italii.
Na vytvorčaj placoŭcy ŭ Lidzie (filijał MZKC) vyrablalisia kuzavy i ŭstanaŭlivalisia na impartnyja šasi. Kali pastaŭki ź Italii spynilisia, vytvorčaść u Lidzie taksama stała.
Restajlinh aŭtobusa zakranuŭ kołavyja arki, kryšku bahažnika, zjaviłasia novaja forma hałaŭnoj optyki i zadnich lichtaroŭ, a taksama bampier.
U sałonie aŭtobusa 29 miescaŭ dla siadzieńnia, u bazavaj kamplektacyi — siadzieńni z ekaskury. Maksimalnaja chutkaść — 100 km/h.
Ciapier čytajuć
Ryta Dakota nabyła dom za niekalki miljonaŭ dalaraŭ kala Halivuda15
Ryta Dakota nabyła dom za niekalki miljonaŭ dalaraŭ kala Halivuda
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary