МЗКЦ аднавіў серыйны выпуск аўтобусаў «Нёман», які спыніўся праз санкцыі
Менскі завод колавых цягачоў абвясціў аб аднаўленні серыйнай вытворчасці аўтобусаў «Нёман» сярэдняга класа ў камплектацыі «Прыгарадны», перадае тэлеграм-канал «Пул 4 Рэгіён». Заводу ўдалося зрабіць уласнае шасі, якое стала базай для стварэння лінейкі аўтобусаў.
Пасля ўвядзення заходніх санкцый МЗКЦ у 2021 годзе спыніў выпуск аўтобусаў сярэдняга класа «Нёман-4202». Справа ў тым, што яны будаваліся на базе шасі Iveco Daily. Уся агрэгатная і кампанентная база — дызельны рухавік, трансмісія, рама, падвеска і вядучы мост, электрыка, рулявое кіраванне, панэль у кабіне выраблялася ў Італіі.
На вытворчай пляцоўцы ў Лідзе (філіял МЗКЦ) вырабляліся кузавы і ўстанаўліваліся на імпартныя шасі. Калі пастаўкі з Італіі спыніліся, вытворчасць у Лідзе таксама стала.
Рэстайлінг аўтобуса закрануў колавыя аркі, крышку багажніка, зʼявілася новая форма галаўной оптыкі і задніх ліхтароў, а таксама бампер.
У салоне аўтобуса 29 месцаў для сядзення, у базавай камплектацыі — сядзенні з экаскуры. Максімальная хуткасць — 100 км/г.
Цяпер чытаюць
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак12
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску6060
Каментары