Zachodnija palityki adreahavali na słovy Trampa pra admovu abaraniać ad Rasii
Vysokapastaŭlenyja zachodnija čynoŭniki raskrytykavali byłoha prezidenta ZŠA Donalda Trampa paśla jaho słoŭ, što ZŠA mohuć nie abaranić sajuźnikaŭ pa NATO, jakija niedastatkova vydatkoŭvajuć na abaronu, ad patencyjnaha rasijskaha ŭvarvańnia, piša Reuters.
«Luboje dapuščeńnie ab tym, što chaŭruśniki nie buduć abaraniać adzin adnaho, padryvaje ŭsiu našu biaśpieku, uklučajučy biaśpieku ZŠA, i padviarhaje amierykanskich i jeŭrapiejskich sałdat padvyšanaj ryzycy», — zajaviŭ hienieralny sakratar NATO Jens Stołtenbierh u piśmovaj zajavie.
«Luby napad na NATO budzie sustrety adzinym i rašučym adkazam», — dadaŭ jon, reahujučy na vykazvańni Trampa.
Ministr abarony Polščy Uładzisłaŭ Kasiniak-Kamyš taksama vykazaŭsia.
«Deviz NATA «adzin za ŭsich, usie za adnaho» — heta kankretnaje abaviazacielstva. Padryŭ davieru da krain-sajuźnikaŭ aznačaje pasłableńnie ŭsiaho NATO», — napisaŭ jon u X.
Ministerstva zamiežnych spraŭ Hiermanii raźmiaściła paviedamleńnie «adzin za ŭsich i ŭsie za adnaho» z chešteham #StrongerTogether u svaim anhłamoŭnym akaŭncie X paśla kamientaroŭ Trampa.
Prezident Rady ES Šarl Mišel skazaŭ: «Biezrazvažnyja zajavy ab biaśpiecy NATO i salidarnaści pavodle artykuła 5 słužać tolki intaresam Pucina».
Artykuł 5 damovy NATO abviaščaje, što ŭzbrojeny napad na siabra Paŭnočnaatłantyčnaha sajuza budzie razhladacca jak napad na ich usich, što pryviadzie da kalektyŭnaj samaabarony.
Nahadajem, Tramp na mitynhu ŭ Paŭdniovaj Karalinie zhadaŭ razmovu, jakaja adbyłasia ŭ čas jaho prezidenctva z adnym ź lidaraŭ krain NATO. Pavodle jaho słoŭ, lidar «adnoj vialikaj krainy» pradstaviŭ hipatetyčnuju situacyju, u jakoj jon nie vykonvaje svaje finansavyja abaviazacielstvy ŭ ramkach NATA (raschodavać na abaronnyja patreby nie mienš za 2% VUP) i padviarhajecca napadu z boku Maskvy.
Jak raspavioŭ Tramp, hety lidar pacikaviŭsia, ci pryjduć ZŠA na dapamohu jahonaj krainie pry takim scenary, što zaachvociła jaho dać jamu adkaz.
«Ja skazaŭ: vy nie zapłacili, vy praterminavali? — nibyta adkazaŭ Tramp kiraŭniku nienazvanaj krainy. — Nie, u takim vypadku ja nie budu vas abaraniać, bolš za toje, ja budu zaachvočvać ich rabić usio, što im zachočacca. Vy pavinny płacić pa svaich rachunkach».
Bieły dom asudziŭ takija kamientary.
«Ja nie budu vas abaraniać, budu zaachvočvać Rasiju rabić usio, što im zachočacca». Tramp zhadaŭ staruju razmovu z sajuźnikami pa NATA
99% — za Trampa. Paśla pierakanaŭčaj pieramohi ŭ Nievadzie eks-prezident ZŠA ŭščylnuju nabliziŭsia da paŭtornaha vyłučeńnia
Sprava ab zabaronie Trampu bałatavacca — Viarchoŭny sud schilajecca na bok eks-prezidenta
Kankurentka Trampa na prajmieryz paprasiła Sakretnuju słužbu pra abaronu z-za pahrozaŭ
Brat udavy Zielcara: Kadebisty išli ŭ kvateru pa mianie8
Kamientary