Pucin: Dla Rasii budzie lepš, kali na vybarach u ZŠA pieramoža Bajden
«Jon čałaviek bolš abaznany, jon prahnazujemy, jon palityk staroj farmacyi», — kaža rasijski kiraŭnik.
Prezident Rasii Uładzimir Pucin zajaviŭ, što na pasadzie prezidenta ZŠA dla Maskvy lepš Džo Bajden, a nie Donald Tramp. Pra heta jon skazaŭ u intervju karespandentu VHTRK Paŭłu Zarubinu, zaŭvažyła «Mieduza».
Zarubin spytaŭ u Pucina: «Dla nas chto lepšy — Bajden abo Tramp?»
«Bajden. Jon čałaviek bolš abaznany, jon prahnazujemy, jon palityk staroj farmacyi. Ale my budziem pracavać ź lubym lidaram ZŠA, jakomu akaža davier amierykanski narod», — adkazaŭ Pucin.
U prezidenta RF taksama spytali, jak jon stavicca da paviedamleńniaŭ pra stan zdaroŭja Bajdena. Na dumku Pucina, heta źviazana ŭ tym liku ź pieradvybarnaj kampanijaj u ZŠA.
«Ja dumaju, u ZŠA nabiraje abaroty ŭnutrypalityčnaja kampanija, pieradvybarnaja kampanija. Jana nabyvaje ŭsio bolš i bolš takija vostryja formy. I nam niekarektna ŭmiešvacca ŭ hety praces. Pasłuchajcie, ja sustrakaŭsia z Bajdenam u Šviejcaryi, heta było try hady tamu. Užo i tady kazali, što jon niedziejazdolny. Ničoha padobnaha ja nie ŭbačyŭ. Nu tak, jon padhladvaŭ u svaju papierku, ja padhladvaŭ u svaju. Ničoha takoha. A toje, što jon dzieści, vychodziačy ź viertalota, stuknuŭsia hałavoj, nu… chto ŭ nas dzie-niebudź nie ŭdaraŭsia hałavoj — chaj pieršy kinie ŭ jaho kamień», — zajaviŭ prezident Rasii.
Jon dadaŭ, što, na jahonuju dumku, siońniašniaja pazicyja administracyi ZŠA «ŭ vyšejšaj stupieni škodnaja i pamyłkovaja».
«I ja ŭ svoj čas prezidentu Bajdenu pra heta kazaŭ», — skazaŭ na zakančeńnie Pucin.
***
Apošni raz Pucin i Bajden sustrakalisia ŭ Ženievie ŭ červieni 2021 hoda. Paśla hetaha jany niekalki razoŭ stelefanoŭvalisia. 21 lutaha 2022 hoda, za try dni da rasijskaha ŭvarvańnia va Ukrainu, pres-słužba Jelisiejskaha pałaca paviedamlała, što Pucin i Bajden pryniali zaprašeńnie prezidenta Francyi Emanuela Makrona pravieści ŭ Jeŭropie samit pa biaśpiecy.
«Heta biazmozhła, heta haniebna». Bajden rezka abrynuŭsia na Trampa za jaho pramovy pra niežadańnie abaraniać sajuźnikaŭ pa NATO
Devid Kemieran zaklikaŭ Kanhres ZŠA nie paŭtarać z Pucinym pamyłak, dapuščanych z Hitleram
99% — za Trampa. Paśla pierakanaŭčaj pieramohi ŭ Nievadzie eks-prezident ZŠA ŭščylnuju nabliziŭsia da paŭtornaha vyłučeńnia
«Pažyły čałaviek z drennaj pamiaćciu». Bajdenu vyrašyli nie vystaŭlać abvinavačvańniaŭ pa spravie ab sakretnych dakumientach
«Moj kachany nie čytaje naviny, kali jany napisanyja pa-biełarusku». Darja Caryk stała na abaronu ruskaj movy i pryplała navat Paźniaka48
Kamientary