Miadźviedzieŭ pahražaje Bierlinu, Łondanu i Vašynhtonu jadziernymi ŭdarami, kali Rasiju viernuć da miežaŭ 1991 hoda
Namieśnik staršyni Rady biaśpieki Rasii Dźmitryj Miadźviedzieŭ parazvažaŭ, što budzie, kali jaho kraina prajhraje ŭ vajnie suprać «nieanacystaŭ z zachodnimi sponsarami».
Jon nazyvaje taki zychod «niezvarotnym razvałam ciapierašniaj Rasii, u skład jakoj pavodle Kanstytucyi ŭvachodziać novyja terytoryi». Paśla hetaha, jak miarkuje Miadźviedzieŭ, pačniecca «hramadzianskaja vajna ź dziasiatkami miljonaŭ achviar» i «hibiel budučyni Rasii». Jaho słovy pieradaje «Ukrainskaja praŭda».
«I ciapier hałoŭnaje pytańnie: hetyja idyjoty praŭda vierać, što narod Rasii taki padzieł svajoj krainy prahłynie? Što my ŭsie budziem razvažać pryblizna tak: «Nu što ž, na žal, heta zdaryłasia. Jany pieramahli.
Ciapierašniaja Rasija źnikła. Škada, praŭda, ale treba žyć dalej u krainie, jakaja razvalvajecca, pamiraje, pakolki jadziernaja vajna kudy dla nas strašniejšaja, čym śmierć našych blizkich, našych dziaciej, našaj Rasii…»? I što ŭ kiraŭnictva dziaržavy na čale ź viarchoŭnym hałoŭnakamandujučym US RF u takim vypadku zdryhaniecca ruka pryniać najciažejšyja rašeńni?
Dyk voś. Budzie zusim inakš. Razvał Rasii budzie mieć kudy bolš strašnyja nastupstvy, čym vyniki zvyčajnaj, navat samaj zaciažnoj vajny. Bo sproby viarnuć Rasiju da miežaŭ 1991 hoda pryviaduć tolki da adnaho. Da hłabalnaj vajny z zachodnimi krainami z vykarystańniem usiaho stratehičnaha arsienała našaj dziaržavy. Pa Kijevie, Bierlinie, Łondanie, Vašynhtonie. Pa ŭsich inšych pryhožych histaryčnych miaścinach, daŭno uviedzienych u palotnyja celi našaj jadziernaj tryjady.
Ci chopić nam na heta duchu, kali na kartu budzie pastaŭlena źniknieńnie tysiačahadovaj krainy, našaj vialikaj Radzimy, a pryniesienyja narodam Rasii na praciahu stahodździaŭ achviary apynucca marnymi? Adkaz vidavočny», — pryhraziŭ śvietu trymalnik siniekury.
Ciapier čytajuć
Bietanavać hrošy — nacyjanalnaja ideja biełarusaŭ? Paraŭnali tempy budaŭnictva ŭ Biełarusi, Polščy, Litvie i Łatvii2
Kamientary