Hramadstva99

Dyrektar rekłamnaj kampanii, na čyich ekranach pakazali Cichanoŭskuju, raskazaŭ svaju viersiju padziej

U subotu 24 lutaha na rekłamnych ekranach u Biełarusi zapuścili zvarot Śviatłany Cichanoŭskaj. Akcyju praviało abjadnańnie byłych siłavikoŭ Belpol. Praz sutki siłaviki zatrymali čatyroch supracoŭnikaŭ kampanii Legion 104, jakaja zajmajecca addalenym kiravańniem rekłamaj. «Miedyjazona» parazmaŭlała z dyrektaram hetaj kampanii Andrejem Smalakom, jakoha praŭładnyja kanały abvinavacili ŭ pieradačy dostupaŭ da ekranaŭ.

Zvarot Śviatłany Cichanoŭskaj, jak śćviardžałasia, pakazali na bolš čym 2 000 ekranaŭ. Praź niekalki hadzin paśla tranślacyi videa praŭładny telehram-kanał «Žiełtyje ślivy» abvinavaciŭ u pieradačy dostupaŭ da rekłamnych ekranaŭ kiraŭnika kampanii Legion 104 Andreja Smalaka. Prapahandysty napisali, što jon u toj ža dzień źjechaŭ u Polšču.

Legion 104 — inžynirynhavaja kampanija, jakaja raspracoŭvaje soft dla addalenaha kiravańnia kantentam na lubych ekranach. Kampanija vyrablaje ekrany i akazvaje postprodažnuju techpadtrymku. Siarod klijentaŭ Legion 104 — «Biełaruśnafta», «Jeŭraopt», Statusbank i inšyja.

Andrej Smalak raskazaŭ «Miedyjazonie», što 24 lutaha sapraŭdy źjechaŭ u Varšavu.

«25 lutaha mnie spoŭniłasia 50 hadoŭ. Ja jechaŭ adznačyć jubilej z rodnymi, jakija vučacca ŭ Varšavie. 1 sakavika ja musiŭ viarnucca ŭ Miensk. Ale pry takim raskładzie ja mahu viarnucca tolki na Akreścina i nadoŭha, tamu šlach na radzimu mnie zakryty».

Pa słovach Andreja, 24 lutaha, kali jon pierasiek biełaruskuju miažu na aŭtobusie «Minsk-Varšava» i byŭ na niejtralnaj pałasie, kalehi paviedamili jamu pra ŭzłom servisu kampanii, praź jaki byli dastupnyja ekrany ŭsich klijentaŭ. Praź jaho i byŭ apublikavany zvarot Śviatłany Cichanoŭskaj.

«My adsačyli ličbavy śled na našych siervierach, uvachod byŭ ź niamieckaha IP, mahčyma, z vykarystańniem VPN»

Smalak tłumačyć, što ŭ Legion 104 jość root-dostup (dostup z pašyranymi pravami) da ŭsich asabistych kabinietaŭ klijentaŭ, ale vałodaje im abmiežavanaja kolkaść čałaviek.

Andrej admaŭlaje dačynieńnie kampanii i svajo asabistaje da publikacyi zvarotu Cichanoŭskaj: «Pracujučy nad prajektam z 2015 hoda i vydatkavaŭšy na jaho vielizarnuju kolkaść sił i resursaŭ, my nie mahli sabie dazvolić niešta padobnaje».

Jon upeŭnieny, što servis kampanii ŭzłamali. Andrej kaža, što pa fakcie ŭzłomu siłaviki zaviali kryminalnuju spravu. Pa jakich artykułach — nieviadoma.

«Kampaniju trasuć nie pa-dziciačamu. Heta jaŭna finał. Ciapier ja ŭ Polščy ź siamjoj na zdymnaj kvatery, u kišeni — 900 dalaraŭ. U mianie ničoha nie zastałosia. Ale ja choć by na voli. Maje kalehi ŭsio pad udaram».

U niadzielu 25 lutaha nabližany da siłavikoŭ telehram-kanał apublikavaŭ videa z čatyrma zatrymanymi supracoŭnikami kampanii Legion 104. Heta namieśnik dyrektara pa vytvorčych pytańniach, mieniedžar pa prodažach, inžynier-sistematechnik, śpiecyjalist pa prodažach.

Na videa zatrymanyja raskazali, što ŭdzielničali ŭ pratestach u 2020 hodzie. U jakim statusie i pa jakim artykule ich abvinavačvajuć — nieviadoma. Pra publikacyju rolika Cichanoŭskaj nichto ź ich nie skazaŭ.

Kamientary9

  • Symon
    26.02.2024
    Pakryŭdžany spadar Smalak raptam nie ŭzhadaŭ, što jany taksama kruciać i "sacyjalnuju rekłamu" (to bok łukašysckuju prapahandu)? Biez usialakaha ŭzłoma.
  • Pravdorub
    26.02.2024
    Biełpoł krasavčiki - minimum čietyriech nievinnych ludiej otpravili pod uhołovku!...
  • Jakoje čudziesnaje saupadzieńnie
    26.02.2024
    Usio praizašło, jak tolki dziadzia ź siamjoj pierajechau miažu. Cipier jamu stryžak naviernaje dzieniežku sabirać načnioć.

BiełAES užo dva tydni nie pracuje, ale ŭłady pra heta maŭčali6

BiełAES užo dva tydni nie pracuje, ale ŭłady pra heta maŭčali

Usie naviny →
Usie naviny

Eks-prezidenta Francyi asudzili na realny termin2

Nie bolš za 200 litraŭ: Łatvija abmiažuje ŭvoz paliva ŭ bakach fur3

Rastoŭskuju vobłaść atakavali 30 dronaŭ i try rakiety, pad udar trapiŭ naftazavod

Dalar pa 4 rubli i źnižeńnie zarobkaŭ? Što čakaje biełaruskuju ekanomiku paśla vybaraŭ 2025 hoda2

U minskich hatelach volnych miescaŭ na Novy hod užo niama1

U Minsku pradajuć sušy za $100. Z čaho ž jany?3

U Jeŭrasajuzie abmiarkoŭvajuć adpraŭku va Ukrainu da 100 tysiač vajskoŭcaŭ9

«U mianie nie było vybaru». Alaksandr Syrski raskazaŭ pra Kurskuju apieracyju

«Sumlennych ludziej» abvinavacili ŭ nakrutcy svajho videa da miljona prahladaŭ. Što tłumačyć Alena Žyvahłod?50

bolš čytanych navin
bolš łajkanych navin

BiełAES užo dva tydni nie pracuje, ale ŭłady pra heta maŭčali6

BiełAES užo dva tydni nie pracuje, ale ŭłady pra heta maŭčali

Hałoŭnaje
Usie naviny →