U Rasii patłumačyli, čamu nie vykarystoŭvajuć sučasny tank «Armata» ŭ vajnie z Ukrainaj
Hienieralny dyrektar dziaržkarparacyi «Rastech» Siarhiej Čemiezaŭ raskazaŭ ahienctvu «RIA Novosti», čamu najnoŭšy rasijski tank T-14 «Armata», jaki nibyta našmat pieraŭzychodzić najaŭnyja tanki pa svaich charaktarystykach, nie vykarystoŭvajecca ŭ bajavych dziejańniach va Ukrainie. Akazvajecca, prosta škada hrošaj.
![](http://nnexpictures.fra1.digitaloceanspaces.com/img/w732d4webp1/photos/z_2024_03/1504995858_0-0-1067-673_1440x900_80_1_1_e3e60974cc379f831369e25dfddf5ec9-8kd0g.jpg.webp)
«Armata», jana, uvohule, darahavataja. Pa svaim funkcyjanale, jana, viadoma, našmat pieraŭzychodzić najaŭnyja tanki, ale zanadta darahaja, tamu jaje ciapier armija naŭrad ci budzie vykarystoŭvać. Praściej im kupić tyja ž T-90-ja», — skazaŭ kiraŭnik rasijskaha vajskova-pramysłovaha kompleksu.
Jon zaznačaje:
«Ciapier patrebnyja hrošy dla taho, kab stvaryć novyja tanki, novyja ŭzbrajeńni, bolš, moža być, tannyja. Tamu, kali jość mahčymaść kupić bolš tannyja, čamu nie», — dadaŭ surazmoŭca ahienctva.
T-90 — asnoŭny bajavy tank rasijskaj armii, taksama jon staić na ŭzbrajeńni mnohich krain. A tank T-14 «Armata» — najnoŭšaja raspracoŭka ŭ halinie tankabudavańnia Rasii, u jakoj nibyta vykarystanyja samyja pieradavyja technałohii i mahutnaje ŭzbrajeńnie. Ale pakul što rasijanie mohuć tolki hanarycca, što jamu «anałohov niet», a dakazvać heta na praktycy nie ryzykujuć.
Krainy Centralnaj Azii — «čorny chod» Rasii dla pastavak tavaraŭ vajennaha pryznačeńnia z Kitaja
«Dziakuj za tyja «BiełAZy». U Kryvym Rohu raskazali, jak BiełAZy dapamahli adbić rasijski nastup
Rasija chacieła, kab Biełaruś była adnym z «harantaŭ» niejtralnaści razzbrojenaj i kastryravanaj Ukrainy — apublikavanyja dakumienty 2022 hoda
Kamientary