Krainy Centralnaj Azii — «čorny chod» Rasii dla pastavak tavaraŭ vajennaha pryznačeńnia z Kitaja
Va ŭmovach sankcyj klučavym maršrutam dla pastavak tavaraŭ stali Kazachstan i Kyrhyzstan.
Jak adznačaje vydańnie The Wall Street Journal, Centralnaja Azija daje Rasii mahčymaść dla pastupleńnia padsankcyjnych tavaraŭ. Praz hety rehijon pastupajuć tavary z Kitaja, dzie ich vytvorčaściu zajmajucca navat bujnyja amierykanskija kampanii.
«Centralnaazijacki handlovy maršrut asabliva važny, pakolki praź jaho ŭ Rasiju pastupaje vialikaja kolkaść tavaraŭ zachodniaj vytvorčaści. Heta klučavy maršrut dla mikraelektroniki, aŭtamabilnych zapčastak, pradmietaŭ raskošy — tavaraŭ, jakija vykarystoŭvajucca jak na poli boju na Ukrainie, tak i dla asabistaha spažyvańnia», —
cytuje vydańnie słovy analityka pa Rasii ŭ vašynhtonskaj daśledčaj kampanii C4ADS Natali Simpsan (Natalie Simpson).
Z uzmacnieńniem rehulujučymi orhanami ZŠA i ES kantrolu za ekspartam čypaŭ značeńnie pieranakiravanaha patoku tavaraŭ z Kitaja ŭ Rasiju praz Centralnuju Aziju tolki ŭzrasło.
Analityki źviartajuć uvahu na rezki rost ź lutaha 2022 hoda kitajskaha ekspartu tavaraŭ padvojnaha pryznačeńnia ŭ Kazachstan i Kyrhyzstan. Zhodna sa źviestkami kitajskaj mytni ŭ 2023 hodzie ekspart 45 metavych tavaraŭ vyras da 1,3 miljarda dołaraŭ, što na 64% bolš, čym u 2022 hodzie. Mnohija z hetych tavaraŭ, pavodle handlovych zapisaŭ, pradstaŭlenych C4ADS, zatym byli adpraŭlenyja ŭ Rasiju.
Razam z hetym ekspart čypaŭ z ZŠA i ES u Kazachstan, Kyrhyzstan i Armieniju ŭ 2023 hodzie skaraciŭsia na 28 pracentaŭ.
U toj ža čas, zhodna z dakładam Kijeŭskaj škoły ekanomiki, na jaki spasyłajucca žurnalisty, za pieršyja 10 miesiacaŭ 2023 hoda Rasija impartavała z roznych krain śvietu tavaraŭ padvojnaha pryznačeńnia na sumu 8,8 miljarda dołaraŭ, što ŭsiaho na 10% mienš, čym u dasankcyjny pieryjad.
Akramia hetaha, aŭtary źviartajuć uvahu na zakupki ŭ Kitaja Kazachstanam bieśpiłotnikaŭ, jakija nie ŭvachodziać u śpis sankcyjnych tavaraŭ. Na praciahu dvuch hadoŭ da pačatku bajavych dziejańniaŭ takoj pazicyi ŭ imparcie hetaj krainy nie było.
A ŭ 2023 hodzie Kazachstan kupiŭ u Kitaja bieśpiłotnikaŭ na sumu $5,9 miljona i ekspartavaŭ ich u Rasiju na sumu $2,7 miljona. Kazachstan pry hetym nie zjaŭlajecca bujnym vytvorcam bieśpiłotnikaŭ.
Dźvie krainy Centralnaj Azii — nie adziny šlach pastavak tavaraŭ padvojnaha pryznačeńnia ŭ Rasiju. Jany taksama pastupajuć praz Abjadnanyja Arabskija Emiraty i Turcyju.
Čytajcie jašče:
Kyrhyzstan pad ciskam ZŠA abmiažoŭvaje tranzit sankcyjnych tavaraŭ u Rasiju
Kitajski aŭtapram zavajoŭvaje śviet. Nie biez dapamohi Zachadu
Ciapier čytajuć
«Pračytajcie jaje historyju». Łukašenku daviałosia apraŭdvacca pierad Pucinym za hieorhijeŭskija stužki11
Kamientary