Śpiavačka adkazała Michajłavu, jaki zajaviŭ, što artysty, jakija źjechali, «jašče prypaŭzuć na kaleniach» prasić prabačeńnia ŭ Rasii.
Śpiavak Stas Michajłaŭ 3 sakavika zajaviŭ, što «nie viedaje, jakuju pieśniu vypuściła Ała Barysaŭna». Jon adznačyŭ, što Rasija «zrabiła značnymi i viadomymi ludźmi» tych, chto «ŭ adras našaj krainy havoryć niejkija niepryjemnyja rečy».
«Jak tolki jany pierastanuć heta razumieć, ich nie budzie jak asob. Pa-druhoje, prostaja reč: jany na kaleniach usio jašče prypaŭzuć i buduć stajać u Rasii i całavać nohi», — skazaŭ jon.
«Stasik, što heta z taboj? Heta ja, biezhałosaja śpiavačka stareńkaja Ała Puhačova, — znarok kaža pryma rasijskaj sceny zahrobnym hołasam. — Dy ja b ustała pierad taboj na kaleni, dy nohi nie tyja. Čaho ty zabajaŭsia? Nie źbirajucca narmalnyja ludzi viartacca tudy [u Rasiju], a ty šuruj, zarablaj pakul možaš. Skažu, što dumaju».
«Što ja mahu skazać? M***k ty, Stasik!», — zaśmiajałasia śpiavačka narmalnym hołasam pry kancy rolika.
Na minułym tydni Ała Puhačova apublikavała dopis, jaki paličyli pryśviečany Alaksieju Navalnamu.
«Pieršaja niadziela viasny. Śviata žoŭtych kvietak. Nie zdavajciesia! Nie padajcie ducham! Mir vašamu domu», — napisała jana.
«Nie zdavajciesia», — tak adkazaŭ Alaksiej Navalny na pytańnie, jakija b słovy jon pakinuŭ rasijanam na vypadak, kali jaho zabjuć.
***
Ała Puhačova ź dziećmi pakinuła Rasiju ŭvosień 2022 hoda, kali jaje muža Maksima Hałkina ŭnieśli ŭ rejestr zamiežnych ahientaŭ. Paśla hetaha Ała Puhačova paprasiła dadać jaje ŭ šerahi «zamiežnych ahientaŭ» uśled za mužam.
Jana napisała, što salidarnaja ź im, u pryvatnaści, u tym, što jon žadaje spynieńnia «hibieli našych chłopcaŭ za iluzornyja mety, jakija robiać našu krainu izhojem i ŭskładniajuć žyćcio našym hramadzianam».
Puhačova pryjazdžała ŭ mai 2023 hoda ŭ Maskvu na pachavańnie svajho siabra, dyzajniera jaje sceničnych kaściumaŭ, madeljera Valancina Judaškina, ale potym pakinuła Rasiju.
Dvajniki viadomych biełarusaŭ. I nie kažycie, što nie zadumvalisia pra ich padabienstva10
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary