Śviet99

Prezident Bajden — Pucinu i Trampu: My nie kiniem sajuźnikaŭ

«My pavinny spynić Pucina!» — zajaviŭ Bajden u čaćvier u štohadovaj pramovie ŭ Kanhresie ZŠA.

Za Džo Bajdenam siadziać vice-prezident Kamała Charys i śpikier Pałaty pradstaŭnikoŭ Kanhresa ZŠA Majk Džonsan. Fota: Andrew Harnik / AP

Prezident ZŠA Džo Bajden vystupiŭ z apošniaj pierad budučymi vybarami štohadovaj prahramnaj pramovaj, State of the Union, i pačatak pramovy pryśviaciŭ rasijskamu lidaru Pucinu, raźviazanaj im vajnie, a taksama krytycy vykazvańniaŭ Donalda Trampa nakont NATA i sajuźnikaŭ ZŠA, piša Bi-bi-si.

«Moj papiarednik, były prezident-respublikaniec, kaža Pucinu, što toj moža rabić što jamu zachočacca. Ja liču, heta aburalna, heta niebiaśpiečna i heta nieprymalna!» — zajaviŭ Bajden.

Patencyjny supiernik Bajdena na vybarach u kancy hetaha hoda Donald Tramp na adnoj z sustreč z prychilnikami raspavioŭ ab razmovie ź lidaram niejkaj jeŭrapiejskaj krainy NATA, jakaja byccam by zdaryłasia ŭ jaho padčas jaho prezidenctva. U hetaj razmovie Tramp niby zajaviŭ, što Amieryka nie stanie dapamahać hetaj krainie, kali na jaje napadzie Rasija, bo hetaja kraina nie vykonvaje pryniaty ŭ NATA narmatyŭ vajennych vydatkaŭ u 2% VUP.

Bajden adrazu paśla hetaj pramovy Trampa nazvaŭ jaje «biazmozhłaj i biezadkaznaj».

«My pavinny spynić Pucina! — zajaviŭ Bajden u čaćvier u štohadovaj pramovie pierad Kanhresam ZŠA. — Kali Złučanyja Štaty kinuć Ukrainu, Ukraina akažacca ŭ niebiaśpiecy, Jeŭropa akažacca ŭ niebiaśpiecy, śviet u niebiaśpiecy».

«Ja chaču skazać prezidentu Pucinu adnu prostuju reč: my nie kiniem sajuźnikaŭ. My nie schilimsia. Ja nie schilusia!» — praciahnuŭ Bajden.

Słovam ab nieabchodnaści padtrymlivać Ukrainu stojačy apładziravali nie tolki kanhresmieny i sienatary ad Demakratyčnaj partyi, ale i niekatoryja respublikancy.

Adnapartyjcy Bajdena ŭskokvali i apładziravali stojačy praktyčna kožnaj jaho replicy na praciahu ŭsioj pramovy.

Donald Tramp adreahavaŭ u svaim zvyčajnym styli.

«Jon nie staŭ suprać Pucina, jon addaŭ Pucinu Ukrainu!» — napisaŭ Tramp u svajoj sacsietcy Truth Social, nie tłumačačy, što heta jon maje na ŭvazie.

Dalej u seryi dopisaŭ Tramp, nie ŭdajučysia ŭ padrabiaznaści, zajaviŭ, što Bajden chłusić pa ŭsich asnoŭnych prahramnych punktach, a taksama abvinavaciŭ prezidenta ŭ tym, što jon nie žadaje vyrašać prablemu paŭdniovaj miažy i choča napoŭnić krainu imihrantami.

Kamientary9

  • Pietrasian
    08.03.2024
    Vierny pucinski siabra. Što ž ty nie daješ Ukrainie 5 młrd, jakija ty joj pavinien za prošły hod jašče, i jakija lažać u Pientahonie? Što ž ty łend-liz zabłakavaŭ? A miažu amierykanskuju ty na što adčyniŭ, ź jakoj metaj? Čamu zamiest Izraila ty padtrymlivaješ chamas? Chto ž tvaje "sajuźniki"?
  • Śviet
    08.03.2024
    Respublikancy ci demakraty, pieramohuć, inačaj - śvietu chana...
  • Biezienčuk
    08.03.2024
    Ty Ukrainu kinuł v 2021 kohda sohłasiłsia na zachvat putinym vostoka strany, śniał sankcii s sieviernoho potoka 2 i vyvieł amierikanskije korabli iz Čiernoho moria. I tiepieŕ obviniaješ  Konhriess v tom čto moh by sdiełať biez odobrienija onoho! Vsie čto ty chočieš tak eto skłoniť Zielenskoho na pieriehovory s putinym. Vieś konciert radi etoho. 
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

«Užo tam karoŭ nie zastałosia!»: były načalnik Kačanavaj apłakvaje stan ekanomiki na Połaččynie9

«Užo tam karoŭ nie zastałosia!»: były načalnik Kačanavaj apłakvaje stan ekanomiki na Połaččynie

Usie naviny →
Usie naviny

U Viciebskaj vobłaści vypała bahata śniehu1

Rubia: ZŠA bolš nie buduć nieści asnoŭny ciažar humanitarnaj dapamohi3

Chto stanie apierataram suviazi 5G u Biełarusi

U Bresckim rajonie adbyŭsia vybuch bojeprypasa. Zahinuŭ padletak

Uejn Hrecki pra svajho dzieda z-pad Bresta: Jon byŭ ruskim i paradavaŭsia b za rekord Aviečkina48

Pažar u Babrujskim rajonie źniščyŭ siem pabudoŭ

«Vyrašyli, što varta mienš kamunikavać». Pra što platkarać miž saboj kalehi Harbačova-Makaviejeva pa «Varhiejminhu»5

Kłubnicy ad 12,5 rubla, bujaki pa 100. Što pradajuć na viasnovaj Kamaroŭcy1

Źmienieny paradak zdačy ispytu na pravy kiroŭcy3

bolš čytanych navin
bolš łajkanych navin

«Užo tam karoŭ nie zastałosia!»: były načalnik Kačanavaj apłakvaje stan ekanomiki na Połaččynie9

«Užo tam karoŭ nie zastałosia!»: były načalnik Kačanavaj apłakvaje stan ekanomiki na Połaččynie

Hałoŭnaje
Usie naviny →

Zaŭvaha:

 

 

 

 

Zakryć Paviedamić