Azierbajdžan zapatrabavaŭ ad Armienii nieadkładnaha vyzvaleńnia jašče čatyroch siołaŭ
Baku patrabuje ad Jerevana nieadkładnaha vyzvaleńnia čatyroch nieekskłaŭnych siołaŭ, a taksama stavić pytańnie pa jašče čatyroch ekskłaŭnych siołach, paviedamiła 9 sakavika pres-słužba namieśnika premjer-ministra Azierbajdžana Šachina Mustafajeva.
«Što tyčycca 4-ch nieekskłaŭnych azierbajdžanskich viosak (Bahanis Ajrym, Ašahy Askipara, Chiejrymły i Hyzyłhadžyły), akupavanych Armienijaj, prynaležnaść ich Azierbajdžanu biassprečnaja, i jany padlahajuć nieadkładnamu vyzvaleńniu», — havorycca ŭ paviedamleńni.
Akramia taho, u ofisie vice-premjera adznačyli, što pytańnie pa čatyroch kantralavanych Armienijaj ekskłaŭnych vioskach (Juchary Askipara, Safułu, Barchudarły i Kiarki) Azierbajdžana budzie vyrašana ŭ ramkach pracesu delimitacyi armianska-azierbajdžanskaj miažy.
Razam z tym u ofisie vice-premjera zajavili, što ŭ ciapierašni čas u kamisii Azierbajdžana i Armienii pa delimitacyi dziaržaŭnaj miažy viaducca raboty pa stvareńni narmatyŭna-pravavoj bazy, nieabchodnaj dla praviadzieńnia delimitacyjnych rabot.
Pry hetym u Baku abvierhli infarmacyju armianskich ŚMI ab akupacyi Azierbajdžanam 31 armianskaha siała.
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary