Азербайджан запатрабаваў ад Арменіі неадкладнага вызвалення яшчэ чатырох сёлаў
Баку патрабуе ад Ерэвана неадкладнага вызвалення чатырох неэксклаўных сёлаў, а таксама ставіць пытанне па яшчэ чатырох эксклаўных сёлах, паведаміла 9 сакавіка прэс-служба намесніка прэм'ер-міністра Азербайджана Шахіна Мустафаева.
«Што тычыцца 4-х неэксклаўных азербайджанскіх вёсак (Баганіс Айрым, Ашагы Аскіпара, Хейрымлы і Гызылгаджылы), акупаваных Арменіяй, прыналежнасць іх Азербайджану бясспрэчная, і яны падлягаюць неадкладнаму вызваленню», — гаворыцца ў паведамленні.
Акрамя таго, у офісе віцэ-прэм'ера адзначылі, што пытанне па чатырох кантраляваных Арменіяй эксклаўных вёсках (Юхары Аскіпара, Сафулу, Бархударлы і Кяркі) Азербайджана будзе вырашана ў рамках працэсу дэлімітацыі армянска-азербайджанскай мяжы.
Разам з тым у офісе віцэ-прэм'ера заявілі, што ў цяперашні час у камісіі Азербайджана і Арменіі па дэлімітацыі дзяржаўнай мяжы вядуцца работы па стварэнні нарматыўна-прававой базы, неабходнай для правядзення дэлімітацыйных работ.
Пры гэтым у Баку абверглі інфармацыю армянскіх СМІ аб акупацыі Азербайджанам 31 армянскага сяла.
Цяпер чытаюць
Ён адкрыта называў расійскіх вайскоўцаў акупантамі, а расійскую ўладу — фашысцкай. За краты кінулі супрацоўніка МТБанка5
Каментары