Alaksandr Łukašenka pryniaŭ zaprašeńnie manholskaha kalehi Uchnaahijna Churełsucha naviedać Ułan-Batar.
Ciapier u Manholii ź vizitam znachodzicca kiraŭnik zamiežnapalityčnaha viedamstva krainy Siarhiej Alejnik. U piatnicu jon sustreŭsia z prezidentam i ministram zamiežnych spraŭ Manholii, piša «Sputnik».
«Mnie chaciełasia b vykazać ščyruju ŭdziačnaść za toje, što Alaksandr Łukašenka pryniaŭ majo zaprašeńnie naviedać ź dziaržaŭnym vizitam našu krainu», — zajaviŭ Churełsuch na sustrečy.
U svaju čarhu ministr zamiežnych spraŭ Manholii Munchijn Batceceh paviedamiła, što dla krainy važny vizit Łukašenki nie tolki ŭ jakaści kiraŭnika dziaržavy, ale i jak asoby.
«Manholski narod bačyć u im advažnaha lidara i mudraha dziaržaŭnaha dziejača, tamu my nadajom histaryčny charaktar hetamu vizitu», — skazała jana.
Jak zajaviŭ Alejnik pa vynikach pieramoŭ z manholskaj kalehaj, Biełaruś i Manholija damovilisia vyvieści adnosiny na bolš vysoki palityčny i ekanamičny ŭzrovień.
Va Ułan-Batary ŭ hetyja dni taksama znachodziacca kiraŭniki Ministerstva pramysłovaści, charčavańnia i sielskaj haspadarki, a taksama pramysłovych pradpryjemstvaŭ, pradstaŭniki Ministerstva pa nadzvyčajnych situacyjach i inšych biełaruskich arhanizacyj.
Na sustrečy Snapkova ź biznesam adzin z zaprošanych zaklikaŭ źniać videazvarot «Nado!» Jak adreahavali astatnija?12
Kamientary