U paniadziełak pavinny vyjści na volu Enira Branickaja i Alaksandar Šałajka
21 žniŭnia pavinny vyjści na volu aktyvisty niezarehistravanaj inicyjatyvy «Partnerstva» Alaksandar Šałajka i Enira Branickaja. Nahadajem, što 4 žniŭnia sud Centralnaha rajonu Miensku asudziŭ ich pa šeść miesiacaŭ aryštu za ŭdzieł u niezarehistravanaj arhanizacyi, što miełasia nazirać za praviadzieńniem prezydenckich vybaraŭ.
Jak patłumačyła «Naša Nivie» advakat Viera Stramkoŭskaja, pavodle zakonu termin ich zatrymańnia šeść miesiacaŭ, i pakolki A. Šałajka i E. Branickaja byli zatrymanyja 21 lutaha, to vyzvalić ich musiać na praciahu sutak 21 žniŭnia. I tut nijakaje roli nie adyhryvaje taja akaličnaść, a jakoj hadzinie jany byli aryštavanyja.
Takim čynam, vyzvalić Alaksandra Šałajku i Eniru Branickuju mohuć choć a 00.01 u noč na paniadziełak, 21 žniŭnia. Choć u 23.59 21 žniŭnia.
Nia vyklučana, što pad uvahu budzie ŭziata toje, kab vychad na volu bačyła jak najmieniej ludziej. Kab nie stvarać ažyjatažu i niezdarovaj atmasfery ŭ muroŭ śledčaha izalataru HUUS Mienharvykankamu, što na vulicy Vaładarskaha.
Ciapier čytajuć
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary