U Krakavie zatrymali 20-hadovaha biełarusa, jaki zakopvaŭ narkotyki ŭ ziamlu
U kvatery palicejskija vyjavili 600 budučych zakładak ahulnaj vahoj 2 kiłahramy.
Palicyja zatrymała 20-hadovaha padazravanaha ŭ zachoŭvańni značnaj kolkaści narkotykaŭ. Narkotyki jon chavaŭ, zakopvajučy ich u roznych miescach na terytoryi Krakava.
Palicejskija padčas patrulavańnia adnoj z vulic zaŭvažyli mužčynu, jaki znachodziŭsia ŭ ich cikavaści. Kali palicyjanty pasprabavali jaho zatrymać, toj pačaŭ źbiahać. Paśla niadoŭhaj pahoni jaho zatrymali.
Zatrymanym akazaŭsia 20-hadovy biełarus. Jon uvieś čas pavodziŭ siabie niervova. Nieŭzabavie i vyśvietliłasia, što było pryčynaj jaho niarvoznaści. Pry sabie ŭ mužčyny byŭ 51 skrutak, abhornuty izastužkaj sa źmieścivam miefiedronu ahulnaj vahoj kala 200 hramaŭ i łapatku z draŭlanaj ručkaj.
Abšukali taksama jaho kvateru, jakaja znachodziłasia na terytoryi Padhuža, dzie palicyjanty vyjavili kala 600 zahornutych izastužkaj abhortak z utrymańniem kakainu, mietamfietaminu, miefiedronu, MDMA, marychuany ahulnaj vahoj kala 2 kh.
Zaraz naš suajčyńnik abvinavačvajecca ŭ zachoŭvańni narkotykaŭ u značnaj kolkaści, a taksama ŭ ich raspaŭsiudzie. Jamu pahražaje da 12 hadoŭ pazbaŭleńnia voli.
Vyniesieny prysud kiraŭniku homielskaha Bielinviestbanka, jakoha adnačasova sudzili za palityku, karupcyju i narkotyki
Litoŭski futbalist, jaki lubiŭ Łukašenku i sieŭ u Biełarusi za narkotyki, dabiŭsia ekstradycyi ŭ Litvu i nie škaduje
Dziaŭčyna pierabrała narkotykaŭ i zasnuła ŭ vańnie, zatapiŭšy susiedziaŭ. I heta byŭ tolki pačatak prablem
Kamientary