Z 1 krasavika sietka stancyj Malanka padymie taryfy na pasłuhi pa zaradcy elektramabilnaha transpartu, paviedamlaje BiełTA. Tym nie mienš, košt zaradki pa-raniejšamu zastaniecca nižejšym za zapraŭku tradycyjnym palivam.
Ciapier cana za 1 kVt.h składzie 0,43 rubla (pavolnaja zaradka) i 0,56 rubla (chutkaja zaradka).
Apošni raz Malanka padymała taryfy na zaradku elektramabilaŭ u kastryčniku 2022 hoda. Z hetaha času ceny, jak adznačajuć u VA «Biełarusnafta», zachoŭvalisia maksimalna nizkimi.
Adnak elektraenierhija dla zaradnych stancyj, jakuju nadaje RUP «Biełenierha», daražeła ŭžo dvojčy za nazvany pieryjad — u pačatku 2023-ha i 2024 hadoŭ. U vyniku jana pavialičyłasia sumarna na 16%. Tym nie mienš, košt zaradki elektryčnaściu pa-raniejšamu nižejšy za zapraŭku tradycyjnym palivam.
Malanka, akramia ŭsiaho inšaha, prapanuje jurydyčnym asobam źnižkavuju sistemu, jakaja dazvalaje aščadzić da 15% u zaležnaści ad abjomu spažyvańnia. Dla fizičnych asob dziejničaje štomiesiačnaja prahrama łajalnaści.
Vylecieła ŭ nieviadomym kirunku śpikierka KR Anžalika Mielnikava30
Kamientary