Uračystaja cyrymonija pieradačy 15 adzinak novaj techniki prajšła 27 sakavika ŭ Škłovie. Sučasny transpart zamienić u horadzie ŭvieś pasažyrski hramadski transpart na dyzieli.
Elektrobus «Alhierd» E321 — samaja prasunutaja madel u liniejcy «BKM Chołdynhu», stvoranaja ŭ kuzavie piataha pakaleńnia, piša abw.by.
Mašyna maje daŭžyniu 12,5 m i raźličana na pieravozku 67 pasažyraŭ (miescaŭ dla siadzieńnia ŭ sałonie — 31). Kandycyjaniery dla škłoŭskich elektrobusaŭ nie praduhledžany.
Dla kamfortu pasažyraŭ — USB dla zaradki mabilnych pryład.
U kamplektacyju taksama ŭvachodziać čatyry videakamiery i elektronnyja maršrutapakazalniki z padahrevam zony škła. Zapas chodu elektrobusaŭ z ulikam poŭnaj pasažyrskaj zahruzki składaje 200 km. Škłovu pieradali elektrobusy z načnym (pavolnym) siłkavańniem.
Paśla ŭračystaj cyrymonii pieradačy techniki elektrobusy pavieźli svaich pieršych pasažyraŭ pa darohach Škłova, imi stali hości cyrymonii i achvočyja z udzielnikaŭ mierapryjemstva na płoščy.
Hetymi dniami inšy horad Biełarusi, Žodzina, atrymlivaje svaje 14 elektrobusaŭ, ale vytvorca ich inšy — MAZ.
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj4
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1212
Kamientary