«Łatuška falsifikavaŭ u pasolstvie, kambryh Sachaščyk — u siabie» — Sańnikaŭ patłumačyŭ svaje pretenzii da lidaraŭ
U intervju «Racyi» Andrej Sańnikaŭ abhruntavaŭ, čamu nielha admianiać sankcyi, raskazaŭ, čamu nie biare ŭdziełu ŭ akcyjach pa spynieńni ekspartu Biełarusi i za što krytykuje Cichanoŭskuju i jaje atačeńnie.
Padčas razmovy było zakranuta pytańnie admieny sankcyj u abmien na vyzvaleńnie palitźniavolenych. Pa słovach Sańnikava, z takoj inicyjatyvaj vystupaje «hrupa vakoł Cichanoŭskaj».
Pa słovach palityka, ciapier sankcyi pracujuć nie da kanca. «Ziernie idzie. Polšča i Litva — samyja žorstkija krytyki režymu Łukašenki. Ź imi tavarazvarot u Biełarusi na pieršych miescach u Jeŭropie. Pakul nie buduć zakrytyja hetyja dzirki, nie pačnuć pracavać sapraŭdnyja sankcyi, nielha pra ich kazać. Heta taki arhumient, jaki my čujem kožny raz, kali jany (krainy Zachadu — «NN») uvodziać sankcyi.
Uviali sankcyi, jany papracavali dva hady, a potym prapanoŭvajuć ich źniać. Heta toje, što i Pucin, i Łukašenka dobra viedajuć. Što Zachad stomicca ad svaich ža sankcyj i pačnie ich zdymać. Nielha zaraz hetaha dapuskać».
Čamu nie dałučajecca da akcyj pa ŭzmacnieńni sankcyj?
Ciapier u Varšavie kala ŭradavych budynkaŭ pravodziacca akcyi z zaklikam da polskich uładaŭ pierakryć ekspart Biełarusi. Ale Sańnikaŭ u ich nie biare ŭdziełu. Čamu jon nie dałučajecca?
«Ja pakul što nie baču ałharytmu, jaki budzie pracavać. Ja nie suprać hetaj akcyi. Ale ja nie budu dałučacca. Tamu što, pa-pieršaje, ja inšym zajmajusia. Pa-druhoje, u mianie jość «Jeŭrapiejskaja Biełaruś». My abmiarkoŭvali, što dla nas pryjarytet.
Pa-treciaje, sproby pa pierakryćci ruchu, što byli, ni da čaho nie pryviali. Byli niejkija pijar-akcyi. Tamu, kali ja razmaŭlaŭ z arhanizatarami akcyj, ja skazaŭ, što treba niejkija damoŭlenaści z polskim bokam. Zaraz heta adbyvajecca»
Čamu praihnaravaŭ kanfierencyju «Šlach da Voli»
Sańnikaŭ adznačyŭ, što jaho zaprašali na kanfierencyju «Šlach da Voli», jakaja adbyłasia ŭ Kijevie ŭ kancy listapada 2023 hoda. Pa słovach palityka, kanfierencyja była nie kansalidacyjaj, a sprobaj peŭnych ludziej, jakich jon nie zachacieŭ nazyvać, «puścić pył u vočy, pakazać, voś my tut stvaryli centr, jaki budzie ŭsim kiravać.
A chto kiravaŭ [kanfierencyjaj]? Ukraincy. Jakija ŭ mianie davieru nie vyklikali, tamu što siarod ich byli tyja, chto patrabavaŭ reparacyj ad Biełarusi. Nu, jak ja mahu tam udzielničać? Ja nie mahu ŭdzielničać u tym, u čym ja nie pracavaŭ z samaha pačatku i čaho ja nie razumieju».
Za što krytykuje Cichanoŭskuju i jaje atačeńnie
Sańnikaŭ źviartaje ŭvahu, što Łatuška padčas svajoj pracy pasłom Biełarusi ŭ Polščy byŭ staršynioj vybarčaj kamisii na ŭčastku, jaki raźmiaščaŭsia na terytoryi pasolstva. I takim čynam udzielničaŭ u falsifikacyi vybaraŭ — złačynstvie, jakoje nie maje terminu daŭniny.
«Staršynia vybarčaj kamisii adkazvaje za ličby i jon — pieršaja, a moža i hałoŭnaja instancyja, jakaja falsifikavała vybary. Łatuška falsifikavaŭ, kambryh Sachaščyk — u siabie falsifikavaŭ.
I kali voś atačeńnie składajecca ź ludziej, jakija hety režym stvaryli, jak ja mahu dumać, što niejkija źmieny ź imi mohuć być źviazanyja? Jany zabiaśpiečyli parazu revalucyi i zaraz robiać usio, kab ničoha nie adbyvałasia ŭ Biełarusi».
«Darečy, toj čałaviek, jaki ciapier zajmajecca pašpartam, jon sam pryznaŭsia, što dva razy pracavaŭ u kamisii, jakaja falsifikavała vybary. Kavaleŭski. Nu što takoje pašpart? Jak možna ludziam chłusić? Nu ničoha nie budzie z hetaha», — dadaje Sańnikaŭ i praciahvaje:
«Ale hetaja sietka, raskinutaja praz płan «Pieramoha», «Rabočy ruch», roznyja «Hałasy», roznyja boty, «Kadravyja reziervy», toj ža pašpart, padstaŭlaje ludziej. My ž viedajem, što aryšty adbyvajucca ŭ Biełarusi. I što b jany nie admaŭlali, heta ŭsio źviazana ź ich dziejnaściu. Vy čuli, kab jany paprasili prabačeńnia? Jany ž usio admaŭlajuć. Ja nie mahu maŭčać u hetaj situacyi. Dajcie mnie vyniki».
Sańnikaŭ śćviardžaje, što jaho krytyka časam pracuje: «Časam pačynajuć niešta rabić pad upłyvam majoj krytyki».
Čytajcie jašče:
Sańnikaŭ — žurnalistcy «Dojče Viele»: Heta abaviazkovyja pytańni, jakija vam kuratary kažuć zadavać?
Sańnikaŭ: Demsiły — heta ja. A Łatuška i inšyja — samazvancy
Milicyja vypadkova apublikavała VIDEA dla ŭnutranaha karystańnia — instrukcyju, jak treba pavodzić siabie z nasielnictvam4
Kamientary
Uspokojsia už, vsie tvoi vyskazyvanija i diejstvija, tolko na polzu bandie łuki.
Tiebie eto nado, zabytyj i nie ocienienyj?