Departamient mihracyi Litvy prakamientavaŭ situacyju z mužam Karač: jon svoječasova nie pradoŭžyŭ svoj DNŽ
Volha Karač niadaŭna zajaviła, što Litva «pačała praces departacyi» ŭ Biełaruś jaje muža. «Naša Niva» raniej tłumačyła, čamu heta nie tak. Ciapier źjaviŭsia i kamientaryj Departamienta mihracyi Litvy.
Departamient mihracyi Litvy paviedamiŭ, što, choć Aleh Barščeŭski publična zajaviŭ pra svaju departacyju, hetaja pracedura nie była inicyjavanaja i nie budzie pačataja, piša ahienctva BNS.
«Heta sproba padniać šum, nie viedaju, ź jakoj metaj. Ci to ŭ stratehičnych metach, ci to ŭ niejkich bolš hłybokich palityčnych metach, ale nie, pracedura departacyi nie pačałasia», — skazała dyrektar Departamienta mihracyi Evielina Hudzinskajcie.
Pa jaje słovach, Barščeŭski paśla admovy jamu ŭ biežanstvie padaŭ u Departamient mihracyi novuju zajavu ab vydačy dazvołu na žycharstva pa ŭźjadnańni siamji (jaho dzieci žyvuć u Litvie). Zapyt pryniaty da razhladu.
Viedamstva razhledzić zvarot na praciahu troch miesiacaŭ.
Pa słovach Hudzinskajcie, Barščeŭski ciapier znachodzicca ŭ Litvie nielehalna. Pavodle jaje słoŭ, u nadziei atrymać prytułak mužčyna nie pakłapaciŭsia praciahnuć dazvoł na žycharstva, jaki byŭ u jaho.
«Z farmalnaha punktu hledžańnia jon pavinien pakinuć Litvu, — skazali jamu pavodle standartnaj pracedury. Ale jon adreahavaŭ na heta nieadekvatna, padniaŭ šum, admoviŭsia supracoŭničać z Departamientam mihracyi i dać tłumačeńni, čamu jon nie moža pakinuć Litvu», — skazaŭ kiraŭnik viedamstva.
Pavodle jaje słoŭ, u zvyčajnym vypadku, kali departavany čałaviek nie zhodzien pakinuć Litvu samastojna, jaho danyja pieradajucca ŭ Dziaržaŭnuju pamiežnuju słužbu (VSAT), jakaja pakłapocicca ab vyjeździe čałavieka z krainy.
«Ale situacyja ź biełaruskimi hramadzianami niestandartnaja. (…) Departamient aceńvaje, ci biaśpiečna departavać čałavieka ź Litvy. U hetym vypadku my navat nie dajšli da adpraŭki rašeńnia (…) I Departamient mihracyi ŭ ciapierašni čas nie płanuje vysyłać jaho ź Litvy», — skazała Hudzinskajcie.
Pa słovach kiraŭnika viedamstva, Barščeŭskaha nie buduć prymusova adpraŭlać u Biełaruś, ale z-za niezakonnaha znachodžańnia ŭ Litvie jon budzie pakarany ŭ administracyjnym paradku.
«Kali dakumienty słušnyja, jamu budzie vydadzieny dazvoł na žycharstva na padstavie ŭźjadnańnia siamji», — skazała Hudzinskajcie.
«Tania, my z taboj!». Ułady zapuścili fłešmob u padtrymku žančyny ŭ čyrvona-zialonym VIDEA10
Kamientary