Što za zabiahałaŭka ź biełaruskaj kuchniaj, dzie pad nohi klijentaŭ pakłali ściahi Ukrainy, Polščy i ZŠA?
U sacsietkach zavirusiŭsia rolik z «biełaruskim kafe». Na ŭvachodzie ŭ jaho lažać ściahi Ukrainy, Polščy, ZŠA i Vialikabrytanii z nadpisami «Vytry nohi». Prapahanda ŭ zachapleńni, ale dzie ž taja zabiahałaŭka nasamreč znachodzicca?
«Spynilisia pajeści ŭ biełaruskim kafe. Pryhažuny! — chvalić mužčyna ŭ videa. — Kafe «Słavianačka» — brava, rabiaty!»
U akaŭncie mužčyna siabie apisaŭ jak ruskaha, jaki žyvie ŭ Hiermanii.
U kamientarach mnohija stali sumniavacca: niaŭžo ŭ Biełarusi haspadary kafe na takoje pajšli b? I mieli racyju ŭ svaich sumnievach.
Kafe, dzie spyniŭsia mužčyna, znachodzicca ŭ Rasii — kala aeraporta «Damadziedava», niedaloka ad Maskvy. Heta kafe biełaruskaj kuchni. Praŭda, nazyvajecca jano «Siabry».
Toje samaje kafe kala «Damadziedava». Na hetych zdymkach bačnyja ściahi na ŭvachodzie. Fota tut i dalej: «Jandeks Karty»
Watch on TikTok
Vylecieła ŭ nieviadomym kirunku śpikierka KR Anžalika Mielnikava30
Kamientary