Што за забягалаўка з беларускай кухняй, дзе пад ногі кліентаў паклалі сцягі Украіны, Польшчы і ЗША?
У сацсетках завірусіўся ролік з «беларускім кафэ». На ўваходзе ў яго ляжаць сцягі Украіны, Польшчы, ЗША і Вялікабрытаніі з надпісамі «Вытры ногі». Прапаганда ў захапленні, але дзе ж тая забягалаўка насамрэч знаходзіцца?
«Спыніліся паесці ў беларускім кафэ. Прыгажуны! — хваліць мужчына ў відэа. — Кафэ «Славяначка» — брава, рабяты!»
У акаўнце мужчына сябе апісаў як рускага, які жыве ў Германіі.
У каментарах многія сталі сумнявацца: няўжо ў Беларусі гаспадары кафэ на такое пайшлі б? І мелі рацыю ў сваіх сумневах.
Кафэ, дзе спыніўся мужчына, знаходзіцца ў Расіі — каля аэрапорта «Дамадзедава», недалёка ад Масквы. Гэта кафэ беларускай кухні. Праўда, называецца яно «Сябры».
Што за студэнтка Ульяна, з якой на балі вальсіраваў Лукашэнка?9
Каментары