«Uładzimira Pucina vielmi niepakoić Forum miru ŭ Šviejcaryi» — Karbalevič
Palityčny ahladalnik Valer Karbalevič patłumačyŭ, dziela čaho Łukašenka jeździŭ u Maskvu.
Valer Karbalevič źviartaje ŭvahu na asablivaści apošniaha vizitu Łukašenki da Pucina.
Kali padčas apošnich sustreč jany amal ničoha nie havaryli pra vajnu va Ukrainie, to hetym razam pieramovy amal całkam byli pryśviečany hetamu.
Druhaja asablivaść, na jakuju źviartaje ŭvahu ahladalnik, heta toje, što Łukašenka raniej nikoli tak nie atajasamlaŭ siabie z Rasijaj, jak padčas hetaj sustrečy.
«Tut mnie bačycca vielmi cikavy pavarot. Uładzimira Pucina vielmi niepakoić Forum miru ŭ Šviejcaryi, jaki inicyjavała Ukraina. Tam, jak miarkujecca, budzie davoli šmat lidaraŭ roznych krain. I hety forum jaŭna nie na karyść Rasii. Jana hetym zaniepakojena i chacieła b niejak niejtralizavać. I voś z dapamohaj Alaksandra Łukašenki Pucin pasprabavaŭ niejtralizavać hety forum».
Jak zaŭvažaje Karbalevič, Pucin i Łukašenka «raptam pačali šmat havaryć pra pieramovy. Pryčym na padstavie «Stambulskaha dakumienta», jaki byŭ parafiravany bakami jašče ŭ pieršyja miesiacy paśla pačatku vajny. Jon byŭ cikavy tym, što Rasija hatova iści na vialikija sastupki».
Analityk nahadvaje, što adpaviedna damoŭlenaściej, dasiahnutych u Stambule, linija raźmiežavańnia pavinna prachodzić pa miažy, jakaja była zafiksavana da pačatku rasijskaj ahresii ŭ 2022 hodzie. U admien na heta Ukraina admaŭlajecca ad uvachodžańnia ŭ NATA.
«Heta piernik, jaki Rasija prapanuje Ukrainie i Zachadu. Jana spadziajecca, što Ukraina na heta kupicca. I takim čynam možna budzie sarvać šviejcarski forum. Łukašenka jakraz pryjechaŭ dziela taho, kab prezientavać voś hetuju novuju ideju Pucina», — ličyć Karbalevič.
Rasija chacieła, kab Biełaruś była adnym z «harantaŭ» niejtralnaści razzbrojenaj i kastryravanaj Ukrainy — apublikavanyja dakumienty 2022 hoda
Letapisiec Pucina patłumačyŭ značeńnie niekatorych słoŭ Łukašenki. U ich jon zaŭvažyŭ adnu prośbu
Łukašenka paŭdzielničaŭ u pasiadžeńni Rady biaśpieki Rasii
«Rasii ciapier patrebnaja takaja Biełaruś». Łukašenka patłumačyŭ, čamu biełaruskaja armija pakul nie vajuje
Łatuška: Ryžankoŭ maryć stać prezidentam Biełarusi i nienavidzić Łukašenku. Jon nie projdzie detektar chłuśni6
Kamientary