Pavodle papiarednich źviestak pierapisu, kolkaść nasielnictva Biełarusi na 14 kastryčnika 2009 hoda skłała ŭsiaho 9 młn 489 tys. čałaviek. U 1999 h. nas było 10 młn 45 tys.
Pavodle papiarednich źviestak pierapisu, kolkaść nasielnictva Biełarusi na 14 kastryčnika 2009 hoda skłała ŭsiaho 9 młn 489 tys.
Pra heta paviedamiŭ na bryfinhu 21 studzienia staršynia Nacyjanalnaha statystyčnaha kamitetu Uładzimir Zinoŭski.
Za 10 hod, što prajšli z času minułaha pierapisu, kolkaść nasielnictva skaraciłasia na 5,5%. U 1999 h. u Biełarusi pražyvali 10 młn 45 tys. čałaviek.
Kolkaść nasielnictva źmienšyłasia va ŭsich abłaściach krainy, approč Minska. Tak, u Viciebskaj vobłaści hety pakazčyk skaraciŭsia na 146 tys. čałaviek (na 10,6%), Minskaj — na 137 tys. (8,8%), Mahiloŭskaj — na 119 tys. (9,8%), Hrodzienskaj — na 113 tys. (9,5%), Homielskaj — na 105 tys. (6,8%), Briesckaj — na 84 tys. (5,7%). U Minsku kolkaść nasielnictva vyrasła na 148 tys. čałaviek (na 8,8%).
Zhodna z tymi papiarednimi źviestkami,
mužčyn u Biełarusi pa stanie na 14 kastryčnika 2009 hoda naličvajecca 46,6% (4,423 młn), žančyn — 53,4% (5,066 młn.)
U paraŭnańni z 1999 hodam kolkaść mužčyn skaraciłasia na 6,2%, žančyn — na 4,9%. Pavodle papiarednich źviestak na 14 kastryčnika 2009 hoda na 1 000 mužčyn u Biełarusi prychodziłasia 1145 žančyn, u 1999 h. — 1129.
U ahulnaj kolkaści nasielnictva Biełarusi haradžanie składajuć 74%
(7 młn. 52 tys.), viaskoŭcy — 26% (2 młn. 437 tys.) Dla paraŭnańnia: u 1999 h. dola viaskovaha nasielnictva składała 31%, haradskoha — 69%.
Jak zaznačyŭ Zinoŭski, vyniki pierapisu pakazali, što kolkaść žycharoŭ 100 tys. i bolej majuć 13 haradoŭ Biełarusi — Minsk, Homiel, Mahiloŭ, Viciebsk, Hrodna, Bieraście, Babrujsk, Baranavičy, Barysaŭ, Pinsk, Orša, Mazyr, Salihorsk.
Za 10 hadoŭ, što prajšli paśla pierapisu 1999 hoda, kolkaść haradoŭ u Biełarusi pavialičyłasia na 8, a pasiołkaŭ haradskoha typu — pamienšyłasia na 14.
Poŭnyja źviestki pierapisu pavinny być apublikavanyja da 1 červienia 2011 hoda.
Kamientary