U Rasii vypuścili knihu pra režysiora Pazalini i zamazali čornym usie zhadki pra jaho homaseksualnaść FOTAFAKT
Kniha Rabierta Kornera «Pazalini. Pamierci za idei», jakaja vyjšła ŭ vydaviectvie AST, nie maje cełych staronak tekstu, u jakich raskazvałasia ab homaseksualnaści italjanskaha režysiora, piša Bi-bi-si.
Na sajcie vydaviectva apublikavana natatka: «Źviartajem vašu ŭvahu, što tekst knihi byŭ skaročany ŭ suviazi z 478-m fiederalnym zakonam».
Hety zakon zabaraniaje raspaŭsiudžvańnie «infarmacyi, jakaja prapahanduje nietradycyjnyja seksualnyja adnosiny i (abo) pieravahi, piedafiliju, źmienu połu». Tekst, jaki vydaviectva nie vyrašyłasia apublikavać, pry hetym nie vyrazany, a zafarbavany čornym koleram.
Raniej na hetym tydni AST kanfiskavała z prodažu niekalki knih, u jakich, jak vynikała ź pieraściarohi prakuratury i Ekśpiertnaha centra pry Rasijskim knižnym sajuzie, byli vyjaŭlenyja prykmiety «ŁHBT-prapahandy».
Vydańnie «Horkij», jakoje vypuściła recenziju na knihu pra Pazalini, taksama zafarbavała čornym značnyja kavałki svajho artykuła. U kancy tekstu aŭtar Barys Kupryjanaŭ ukazvaje: «Kniha «Pazalini. Pamierci za idei», biezumoŭna, zasłuhoŭvaje ŭvahi. Na žal, aŭtar hetych radkoŭ nie zmoh acanić jaje absalutna abjektyŭna, bo niekatoryja frahmienty aryhinalnaha tekstu zafarbavanyja ██████ ████████».
«Kniha vyjšła ŭ sieryi «Karcina času». Mabyć, hetaja sieryja moža stać kultavaj», — dadaŭ jon.
HUBAZiK pierastaŭ vykładać videa z zatrymanymi. Z dnia, kali da hetaha zaklikaŭ kanał, blizki da Markava6
HUBAZiK pierastaŭ vykładać videa z zatrymanymi. Z dnia, kali da hetaha zaklikaŭ kanał, blizki da Markava
Ci zdaść Tramp Ukrainu Rasii? Čamu demakraty razhromlenyja? Da čaho pryviadzie kantrol respublikancaŭ nad vykanaŭčaj i zakanadaŭčaj uładaj adnačasova?8282
Kamientary