Maładuju maci-adzinočku sudziać pa troch palityčnych artykułach. Minimalnaje pakarańnie — 4 hady kałonii
U raskładzie sudoŭ źjaviłasia imia Kaciaryny Šablinskaj-Ivanovaj. Minimalnaje pakarańnie pa artykułach, pa jakich abvinavačvajuć žančynu — čatyry hady kałonii. Doma Kaciarynu čakaje syn.
Kaciaryna Šablinskaja-Ivanova — minčanka, joj 33 hady. Paśla škoły skončyła Minski dziaržaŭny kaledž kulinaryi.
U 2015-m Kaciaryna sustreła svajho byłoha muža, uvosień 2017-ha ŭ siamji naradziłasia dzicia. Ale praz dva hady para razyšłasia — u mužčyny ciapier novyja adnosiny. Chłopčyku ciapier šeść hadoŭ. Nieviadoma, z kim jon žyvie.
Staronki ŭ sacyjalnych sietkach dziaŭčyny vyhladajuć jak typovyja dla maładoj maci. Reposty miemaŭ z Adnakłaśnikaŭ i roznych cytataŭ, parady dla maci, recepty i bieźlič fota syna dy jahonych dasiahnieńniaŭ.
Apošniaja publikacyja ŭ sacsietkach Kaciaryny, jakuju my adšukali, — heta vinšavańnie syna z 1 vieraśnia 2023. U hety dzień jon pačaŭ svoj apošni hod u dziciačym sadku. Paśla hetaha žančyna nie była anłajn. Imavierna, jana była zatrymanaja ŭ hety čas.
Sud nad Kaciarynaj pačniecca 15 maja 2024 hoda. Jaje sudziać pa troch artykułach Kryminalnaha kodeksu — č. 1 art. 130 (raspalvańnie varožaści abo varažniečy), č. 1 art. 342 (udzieł u dziejańniach, jakija parušajuć hramadski paradak abo zakliki da takich dziejańniaŭ) i č. 3 art. 361 (zakliki da sankcyjaŭ abo inšyja dziejańni, nakiravanyja na pryčynieńnie škody dziaržavie).
Pa apošnim, samym ciažkim, joj pahražaje ad 4 da 12 hadoŭ kałonii, a inšyja vidy pakarańnia nie praduhledžanyja.
«Naša Niva» — bastyjon biełaruščyny
PADTRYMAĆ
Ciapier čytajuć
«Upeŭnieny, jon i z kaniom kala arki pahavaryŭ». Rasijski žurnalist apisaŭ pryjezd Łukašenki na parad7
«Upeŭnieny, jon i z kaniom kala arki pahavaryŭ». Rasijski žurnalist apisaŭ pryjezd Łukašenki na parad
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary
nasich, a sidieť budiet mať-odinočka, rodivšajasia pieried prichodom k vłasti riežima Łukašienko.