Taryfy na pasłuhi ŽKH da kanca aciaplalnaha pieryjadu pavyšacca nie buduć
Da kanca aciaplalnaha pieryjadu ŭ Biełarusi nie buduć pavyšacca taryfy na žyllova-kamunalnyja pasłuhi. Pra heta paviedamiŭ ministr žyllova-kamunalnaj haspadarki Biełarusi Uładzimir Biełachvostaŭ.
«Taryfy na žyllova-kamunalnyja pasłuhi ŭ aciaplalny pieryjad pavyšany nie buduć, kab nie dapuścić rezkaj nahruzki na biudžet siamji», — adznačyŭ ministr. U dalejšym, pavodle jaho słoŭ, urad razhledzić abhruntavańni Minžyłkamhasa pa pavieličeńniu taryfaŭ u 2010 hodzie.
Ciapier siaredniaja suma płaciažoŭ za žyllova-kamunalnyja pasłuhi dla siamji z troch čałaviek, jakaja pražyvaje ŭ standartnaj dvuchpakajovaj kvatery ahulnaj płoščaj 48 kv. m,
składaje pry narmatyŭnym spažyvańni kamunalnych pasłuh Br162,9 tys. Ź ich kala Br56,7 tys. prypadaje na apłatu aciapleńnia.
U śniežni płaciažy za aciapleńnie pavialičylisia ŭ paraŭnańni ź listapadam u siarednim na 15-20 pracentaŭ. Jak adznačyli ŭ Minžyłkamhasie, u studzieni ŭ suviazi z mocnymi marazami jany mohuć vyraści jašče na Br6-15 tys. u zaležnaści ad charaktarystyk doma.
Nahadajem, u 2009 hodzie taryfy na žyllova-kamunalnyja pasłuhi ŭ Biełarusi byli pavyšany adzin raz - z 1 studzienia i dziejničajuć ciapier. Suma płaciažoŭ za ŽKP dla siamji z troch čałaviek, jakaja pražyvaje ŭ standartnaj dvuchpakajovaj kvatery ahulnaj płoščaj 48 kv. m, pavialičyłasia z 1 studzienia minułaha hoda ŭ siarednim na Br21 tys. (na 14,8 pracenta) i dasiahnuła Br162,9 tys. u aciaplalny pieryjad.
U 2008 hodzie taryfy na žyllova-kamunalnyja pasłuhi pavialičvalisia dvojčy - z 1 studzienia i z 1 maja. U sumie za studzień-žnivień 2008 hoda jany byli pavyšany na $9,1 u ekvivalencie, zychodziačy z raźliku płaty za dvuchpakajovuju kvateru.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary