12-hadovy biełaruski futbalist zrabiŭ vybar pamiž «Reałam» i «Barsiełonaj»
Alaksiej Majoraŭ hulaje za dziciačuju «Sierdańjołu» i ŭsiaho ŭ 12 hadoŭ užo pryciahnuŭ uvahu vialikich kamand.
Chłopčyk abraŭ madrydski «Reał», piša adno z hałoŭnych spartyŭnych miedyja Ispanii Marca.
Loša svajoj hulnioj pryciahnuŭ uvahu dvuch viadučych kłubaŭ Ispanii. «Barsiełona» rabiła ŭsio, kab atrymać małoha biełarusika, jaki pryciahnuŭ svajoj manieraj hulni i toj pryrodžanaj lohkaściu, ź jakoj jon zabivaje hały. Jana navat zaprasiła jaho na minuły matč darosłaj kamandy, ale i sam chłopiec, i jaho atačeńnie dali jasna zrazumiejuć: jaho budučynia za «Reałam», jon budzie ŭ składzie akademii «Reała». Taksama chłopčykam cikaviŭsia PSŽ.
«U hetym vypadku niama nijakich prablem z-za jaho ŭzrostu abo pachodžańnia, bo jaho pražyvańnie ŭ Ispanii aznačaje, što źmiena kamandy moža adbycca bieź jakich-niebudź prablem. Adnak «Reał Madryd» zapytaŭ usie mahčymyja dakumienty, kab paźbiehnuć lišnich strachaŭ. Kłub vielmi ŭvažliva stavicca da hetych detalaŭ, pierš čym padpisać niepaŭnaletniaha», — piša Marca.
Raniej paviedamlałasia, što karaleŭski kłub hatovy byŭ vykłaści za jaho 120 tysiač jeŭra.
Loša źviarnuŭ na siabie ŭvahu kala piaci hadoŭ tamu, kali na adkryćci fan-zony da čempijanatu śvietu pa futbole ŭ Minsku zmoh nabić miač 12 tysiač razoŭ. Tady jon treniravaŭsia ŭ futbolnaj akademii minskaha «Dynama», a jašče chadziŭ na zaniatki pa futbolnym frystajle, boksie, baraćbie i płavańni.
U 2022 hodzie Alaksiej uziaŭ udzieł u Kubku Kałyvanava ŭ składzie «Minska». Tam małady talent u adnym matčy suprać «Akademii Słuckaha» zabiŭ usie 7 miačoŭ svajoj kamandy.
Paśla hetaha trochi pahulaŭ u Rasii. U składzie «Spartaka» U-12 Loša zabiŭ 7 hałoŭ za dźvie hulni, adpraviŭšy ŭ varoty «Łakamatyva» pokier.
Zusim niadaŭna Alaksiej ź siamjoj pierajechaŭ u Ispaniju, dzie pačaŭ svoj šlach u sistemie «Espańjoła», potym pierajšoŭ u «Sierdańjołu».
Ciapier čytajuć
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»7
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary