Žonka byłoha vajskoŭca, asudžanaha ŭ Polščy za špijanaž, źviartałasia ŭ KDB pa «sadziejańnie i abaronu»
Siońnia ŭ Poznani sud vynies prysud pa spravie dvuch biełarusaŭ, abvinavačanych u špijanažy. Adnaho z abvinavačanych, 57-hadovaha kiroŭcu i muzyku Dźmitryja N., apraŭdali za adsutnaściu dokazaŭ, a druhomu, 51-hadovamu vajskoŭcu ŭ adstaŭcy Andreju Račkieviču, dali try hady źniavoleńnia, choć prakuratura zapytvała piać. Miž tym «Kibierpartyzany» źviartajuć uvahu, što va ŭzłamanaj imi bazie zvarotaŭ z sajta KDB jość i zvarot žonki Račkieviča.
U zvarocie, nakiravanym 14 sakavika 2023 hoda na imia staršyni KDB Ivana Cierciela, žycharka Bresta Aksana Račkievič prosić «pra dapamohu i akazańnie maksimalnaha sadziejańnia majmu mužu Račkieviču Andreju Jaŭhienaviču, hramadzianinu Respubliki Biełaruś, aryštavanamu 4 krasavika 2022 h. u h. Poznań (Respublika Polšča) pa artykułu 130 par. 1 (špijanaž) na karyść Respubliki Biełaruś».
Pavodle słoŭ žančyny, takaja situacyja stała mahčymym z-za ŭciečki piersanalnych danych jak jejnaha muža, tak i jaje samoj, bo poznański sud vydatna viedaŭ pra vajskovaje minułaje Andreja Račkieviča i jahonaj žonki. Staž u ich, jak sama Aksana Račkievič piša, niemaleńki: u Andreja 26 hadoŭ, a ŭ jaje 19.
U suviazi z hetym žančyna kanstatavała, što «nazaŭsiody straciła mahčymaść vyjezdu za miežy RB», a tamu nie moža dapamahać mužu, a bieź jaho hetaha rabić niama kamu. Jaje ž «maralnyja, fizičnyja i materyjalnyja resursy vyčarpanyja kančatkova», i joj, maŭlaŭ, «vielmi składana rastłumačyć dačce, čamu jana nie budzie zajmacca z repietytaram pierad pastupleńniem u VNU, a synu — čamu ŭ jaho ŭžo hod niama novych cacak».
Naprykancy Aksana Račkievič dekłaruje, što źjaŭlajecca «prychilnicaj palityki, jakaja pravodzicca dziaržavaj, i prytrymlivajecca kursu, zadadzienaha Prezidentam Respubliki Biełaruś pa abaronie suvierenitetu i terytaryjalnaj cełasnaści».
U suviazi z hetym jana vykazvaje «ščyraje spadziavańnie», što «vajskova-dypłamatyčny korpus Respubliki Biełaruś prymie vyčarpalnyja miery pa ŭstanaŭleńni pryčyn taho, što adbyłosia, i akaža nam maksimalnaje sadziejańnie i abaronu ŭ adpaviednaści z zakanadaŭstvam Respubliki Biełaruś i normami mižnarodnaha prava».
«Mahu jechać dadomu? Praŭda? Dziakuj». U Poznani sud vynies prysud pa spravie dvuch biełarusaŭ, abvinavačanych u špijanažy
Kiraŭnica pradstaŭnictva «Biełavija» ŭ Čechii patrabavała ad KDB daviedku ab stažy
Stała viadoma, z-za čyjho danosu najchutčej apynułasia za kratami 75-hadovaja babrujčanka
«Ja nie danosiŭ, my ž siabrujem». Jak apraŭdvajucca vykrytyja stukačy
Biełarusy napisali 40 tysiač danosaŭ? Nie, heta niepraŭdzivaje śćvierdžańnie
Stała viadoma, chto žanich byłoj deputatki Maryi Vasilevič26
Kamientary
Vot vam słaboumnym diehienieratam błahodarnosť za hody słužby kołchoznomu bydłu))) Vaši stony otlično podnimajut nastrojenije))