Kapitan Bundeśviera dobraachvotna špijoniŭ na Rasiju, «kab zahadzia atrymać ad jaje papiaredžańnie ab naniasieńni jadziernaha ŭdaru»
Mienavita takaja matyvacyja niamieckaha aficera prahučała ŭ jahonych pakazańniach na sudzie, pa vynikach jakoha mužčynie pahražaje vielmi surjozny termin za špijanaž na karyść Rasijskaj Fiederacyi.
54-hadovy kapitan Bundeśviera (Uzbrojenych siłaŭ Hiermanii), jaki adkazvaŭ za sistemy radyjoelektronnaj baraćby Hiermanii, pryznaŭsia ŭ sudzie, što dobraachvotna špijoniŭ na karyść Rasii i pieradavaŭ joj adčuvalnuju vajskovuju infarmacyju, piša niamieckaje vydańnie Der Spiegel.
Pa słovach aficera, «strach pierad jadziernaj vajnoj i prahlad tyktoku partyi «Alternatyva dla Hiermanii» (čalcom jakoj kapitan aficyjna staŭ u 2023 hodzie) zaachvocili jaho źviarnucca ŭ rasijskaje konsulstva i šukać kantakty z rasijskimi śpiecsłužbami.
Mužčyna, pavodle jaho słoŭ, «spadziavaŭsia, što ŭ vypadku pačatku jadziernaj vajny Rasija zahadzia papiaredzić jaho pra miescy naniasieńnia rasijskich jadziernych udaraŭ pa Hiermanii, što dazvolić jamu razam ź siamjoj paśpieć schavacca ŭ biaśpiečnym miescy», pieradaje Der Spiegel.
Aficer adznačyŭ, što vielmi škaduje pra toje, što zdaryłasia, i ličyć svaje dziejańni pamyłkovymi, «bo jahony psichičny stan byŭ vielmi drennym».
Mužčynu za špijanaž na karyść Rasii pahražaje vielmi surjozny termin, dadaje vydańnie.
Nahadajem, što ŭ Hiermanii ciapier taksama sudziać dvuch zmoŭcaŭ, jakija chacieli zładzić u krainie dziaržpieravarot z namieram «adradzić Hiermanskuju impieryju ŭzoru 1871 hoda».
Ciapier čytajuć
Biełaruś zaniała druhoje miesca pa złačynnaści siarod jeŭrapiejskich krain. Jak ža składali taki rejtynh?3
Biełaruś zaniała druhoje miesca pa złačynnaści siarod jeŭrapiejskich krain. Jak ža składali taki rejtynh?
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki88
Kamientary