Bondarava vysunuła teoryju adnosna taho, čamu sučasnyja dziaŭčaty nie imknucca zamuž
Aktyvistka Kampartyi ŭsurjoz zaniałasia fizijałohijaj čałavieka. Na hety raz jany zakłapaciłasia pamieram pałavoha člena ŭ mužčyn.
U svaim telehram-kanale aktyvistka Kampartyi i zmaharka za siamiejnyja kaštoŭnaści raskazała, čamu dziaŭčaty nie chočuć stvarać siemji.
«Dla stvareńnia siamji i zabieśpiačeńnia patomstvu ŭmovaŭ dla vyžyvańnia luboj samcy patrebna apora i abarona ŭ vyhladzie nadziejnaha mužčyny». Ale ciapier, na dumku Bondaravaj, mužčyny nie tyja, što raniej. U jakaści prykładu jana pryviała ilustracyju, jakaja hulaje ŭ internecie na roznych resursach, što papularyzujuć psieŭdanavukovyja teoryi.
Na joj śćviardžajecca, što pačynajučy z 40-ch hadoŭ minułaha stahodździa mužčyny ŭsio bolš stračvajuć rysy maskulinnaści. Heta, nibyta, prajaŭlajecca ŭ źmianšeńni rostu, źniknieńni vałasoŭ na ciele, a taksama u źmianšeńni pamieru pałavoha člena.
Ananimnyja aŭtary ŭjaŭlajuć 25-hadovaha mužčynu 2010-ch rostam u 170 sm, vahoju ŭ 65 kiłahramaŭ z amal poŭnaj adsutnaściu vałasoŭ na ciele i karotkim pienisam. A voś mužčyny 1940-ch hadoŭ taho ž uzrostu, maŭlaŭ, byli ambałami rostam 188 sm, važyli 90 kiłahramaŭ, mieli značnuju kolkaść vałasoŭ na ciele, nu i toj da kalena. Bondarava ilustruje hetyja fantazmy vyjavaj ź psieŭdanavukovaha tvitar-kanała Testosterone & Civilization, jakaja źjaviłasia tam u 2019 hodzie.
«Ukaranieńnie antyčałaviečaj ideałohii praz hłabalizacyju pa zachodnich lekałach pry dapamozie mas-miedyja — voś pryčyna», — śćviardžaje Bondarava.
Na samoj spravie, jak vynikaje z danych sietki vučonych-miedykaŭ z usiaho śvietu NCD Risk Factor Collaboration (NCD-RisC), jakaja daje dakładnyja i svoječasovyja źviestki ab asnoŭnych faktarach ryzyki nieinfiekcyjnych zachvorvańniaŭ dla ŭsich krain, rost mužčyn jakraz u krainach Zachadu pastajanna ros, u toj čas jak u krainach Afryki i Siaredniaha Uschodu prykładna z 1970-ch hadoŭ nazirajecca jaho źnižeńnie.
Na hrafiku pryviedzienyja źviestki dla mužčyn, jakija naradzilisia ŭ pieryjad z 1940 pa 1996 hod. Najbolš padzieńnie rostu zaŭvažna ŭ krainach Afryki na poŭdzień ad Sachary.
Što tyčycca śćviardžeńnia ab źmianšeńni pamieru pałavoha člena, to, jak my pisali, daśledavańni mužčyn z usiaho śvietu prademanstravali, što siaredniaja daŭžynia pienisa ŭ stanie erekcyi, naadvarot, za apošnija 30 hadoŭ vyrasła na 24%.
Paradoks u tym, što paralelna z rostam pamieru mužčynskaha orhana nazirajecca padzieńnie kolkaści śpiermatazoidaŭ u siemieni i ŭzroŭniu testasteronu ŭ mužčyn.
Što tyčycca vałasoŭ na ciele, to nie isnuje nijakich daśledavańniaŭ adnosna hetaha. Jak viadoma, vałasy na ciele raźmierkavanyja pa płaniecie nieraŭnamierna.
U narodaŭ, jakija žyvuć va ŭmovach palarnaj nočy i nizkaj soniečnaj aktyŭnaści, vałasoŭ na ciele i kaniečnaściach vielmi mała. A bližej da poŭdnia pavialičvajecca nie tolki praciahłaść śvietłavoha dnia, ale i kolkaść vałasoŭ na ciele miascovych narodaŭ.
Dadamo, što svaje viedy ŭ halinie fizijałohii Bondarava demanstruje nie pieršy raz. Niadaŭna jana zajaŭlała, što ŭ žančyn padčas mienstruacyi źmianiajecca pamier hipofiza, a ŭ mužčyn-homaseksuałaŭ jon, maŭlaŭ, u čatyry razy bolšy, čym u hieteraseksualnych mužčyn.
Ci zdaść Tramp Ukrainu Rasii? Čamu demakraty razhromlenyja? Da čaho pryviadzie kantrol respublikancaŭ nad vykanaŭčaj i zakanadaŭčaj uładaj adnačasova?8282
Kamientary