Sudździa Šmit byŭ vydatna zakanśpiravanym rasijskim ahientam — polskija ekśpierty
Jakija dovady pryvodziacca?
Jak piša Wyborcza.pl, pa nieaficyjnaj infarmacyi polskaha sudździu Tomaša Šmita, jaki paprasiŭ abarony ŭ biełaruskich uładaŭ, mahli advieści ŭ Minsk praz Turcyju.
Pa mierkavańni byłoha aficera raźviedki Polščy Vincenta Sievierskaha (Vincent V. Severski), ź jakim razmaŭlała vydańnie Onet.pl, za ŭčynkam Šmita «stajać rasijskija śpiecsłužby».
«Zrazumieła, što jość asabistyja pohlady, pytańni psichičnaha stanu. Ale ja vieru ŭ pryncyp brytvy Okama: kali jość niekalki tłumačeńniaŭ niejkaj źjavy, to samaje prostaje — praŭda. Kali niešta pachnie Kramlom, to heta Kreml», — cytuje vydańnie słovy byłoha raźviedčyka.
Ab tym, što Šmit moh być ahientam Kramla, zajaviŭ i inšy były raźviedčyk Robiert Chieda (Robert Cheda).
«Jaho zavierbavali nie biełaruskija, a rasijskija śpiecsłužby. Mahčyma, rukami biełarusaŭ. Jon zvyčajny rasijski, a nie biełaruski ahient», — cytuje jaho słovy vydańnie Fakt.pl.
Były raźviedčyk ličyć, što viarboŭka adbyłasia nie ŭ apošnija tydni ci miesiacy. Na pohlad Chieda, Šmit (jaki pryznaŭsia, što braŭ udzieł u dyskredytacyi sudździaŭ, jakija ŭ 2019 hodzie krytykavali ŭłady za źmieny ŭ sudovaj sistemie, nakiravanyja na abmiežavańnie jaje niezaležnaści) paśla źmieny ŭłady ŭ Polščy ŭ kancy minułaha hoda straciŭ svaju kaštoŭnaść.
Chieda ličyć, što źjaŭleńnie Šmita ŭ Minsku — «metanakiravanaja apieracyja pa vyviadzieńni z krainy raniej zavierbavanaha «paharełaha ahienta». Padstavaj dla vykryćcia mahli pasłužyć finansavyja pytańni ci najaŭnaść kampramietujučych materyjałaŭ.
Ciapier, miarkuje Chieda, Šmit moža stać kansultantam źniešniaj raźviedki, jaki budzie apłačvacca Maskvoju.
Ciapier čytajuć
Suhak, Mientusava, Danejka, Meryjem i inšyja paśpiachovyja biełaruski padzialilisia hałoŭnymi žyćciovymi abłomami3
Kamientary
V každoj stranie jesť priestupniki, jesť nieadiekvaty, jesť normalnyje ludi.
Čiem bolšie vnimanija udielajut etomu biehlecu, tiem dovolnieje Pu i ŁU.