Arhanizatary nielehalnaj mihracyi ź Biełarusi ŭ ES pieraviali $30 miljonaŭ na padtrymku terarystaŭ
Rasśledavańnie viadzie polskaja prakuratura.
Arhanizatary sietki nielehalnaj mihracyi ź Biełarusi praz Polšču ŭ krainy Zachodniaj Jeŭropy finansavali terarystyčnyja arhanizacyi.
Pavodle źviestak polskaj pamiežnaj słužby, usiaho arhanizatary złačynnaj hrupoŭki zarabili na pierapraŭcy ludziej nie mienš za 600 młn dalaraŭ. Polskim siłavikam viadoma, što jany pieraviali nie mienš za 30 młn dalaraŭ u kryptavalucie terarystyčnym arhanizacyjam «Chiezbała» i «Paleścinski džychad».
Supracoŭniki polskaj pamiežnaj słužby i niamieckaj palicyi zatrymali ŭ Hiermanii 33-hadovaha siryjca, jakoha ličać kiraŭnikom złačynnaj hrupoŭki. Jon byŭ zatrymany ŭ ramkach maštabnaj apieracyi Jeŭrapała, jakaja prachodziła adrazu ŭ vaśmi krainach: arhanizataraŭ nielehalnaj mihracyi i vykanaŭcaŭ zatrymali ŭ Polščy, Hiermanii, Niderłandach, Litvie, Łatvii, Estonii i Šviecyi.
Pa danych śledstva, siryjec byŭ zasnavalnikam i členam arhanizavanaj mižnarodnaj złačynnaj hrupy, jakaja z sakavika 2021 hoda pa listapad 2023 hoda pieraviezła nie mienš za 3500 čałaviek ź Siryi, Jemiena i Iraka ŭ Biełaruś. Zatym zamiežniki adpravilisia ŭ Polšču i dalej u krainy Zachodniaj Jeŭropy.
Zatrymany taksama zajmaŭsia finansavymi pytańniami. Pavodle papiarednich padlikaŭ, hramadzianin Siryi atrymaŭ finansavuju vyhadu ŭ pamiery nie mienš za 1,67 młn jeŭra ad arhanizacyi pieravozki ludziej praź miažu, zrabiŭšy hetuju praktyku pastajannaj krynicaj dachodu. U zonu dziejańnia hrupoŭki ŭvachodzili Polšča, Biełaruś, Hiermanija i krainy Blizkaha Uschodu: Iran, Jemien, Irak i Siryja.
Pa papiarednich danych, na kryptakašalkach arhanizacyi znajšli nie mienš za 581 młn dalaraŭ.
Spravu rasśleduje prakuratura ŭ Lublinie.
Chto taja žančyna, jakuju Marzaluk u efiry BT abazvaŭ «švallu z Hrodna», i što jana piša ŭ čatach? Raskazvajem pra doktarku Stefanovič7
Kamientary