Taksama jon daručyŭ prystavić da źbiehłaha polskaha sudździ Šmita achovu.
Łukašenka ŭčora, 9 maja, paśla ŭskładańnia kvietak na Płoščy Pieramohi prakamientavaŭ apošnija padziei.
Jon, naprykład, skazaŭ, što KDB napiaredadni pres-kanfierencyi źbiehłaha ŭ Biełaruś polskaha sudździ Tomaša Šmita dakładvaŭ jamu ab situacyi. Łukašenka daručyŭ pravieryć historyju hetaha polskaha hramadzianina.
«Pahladzieli — heta absalutna narmalny, patryjatyčny palak. Nidzie kalehi pra jaho drenna nie skazali. Ale heta ŭdar pad dych kamuści — uładam Polščy. Voś jany i pačynajuć: zdradnik, taki-siaki. Nijaki jon jaje zdradnik. Ale jon realna hladzić na rečy, paraŭnoŭvaje Polšču i Biełaruś i robić vysnovy, — adznačyŭ Alaksandr Łukašenka.
— My jaho papiaredzili: ty možaš dać pres-kanfierencyju i inšaje (jany ž zabili Čečku), hladzi, ty staviš siabie pad udar — «Ja nie bajusia. Ja pavinien skazać praŭdu, što adbyvajecca ŭ Polščy». I heta vyklikała vielmi šyroki rezanans».
Były polski vajskoviec Emil Čečka źbieh u Biełaruś u siaredzinie śniežnia 2021 hoda, paprasiŭšy palityčnaha prytułku. Jon heta tłumačyŭ, što «nie zhodny z palitykaj Polščy adnosna mihracyjnaha kryzisu». Jon taksama raskazvaŭ bajki pra nibyta dziasiatki, kali nie sotni, rasstralanych i zakapanych polskimi vajskoŭcami mihrantaŭ. Biełaruskaja prapahanda vykarystoŭvała zajavy Čečki ŭ svaich metach, jon staŭ pastajannym hościem telekanałaŭ.
17 sakavika 2022 hoda Emil Čečka byŭ znojdzieny paviešanym u minskaj kvatery. Jaho pachavali ŭ Daŭhinavie Vilejskaha rajona na mohiłkach polskich vajskoŭcaŭ.
Varta zaznačyć, što da zajavy Łukašenki biełaruskija ŭłady nie kamientavali charaktar jaho śmierci. Adnak ułady zasnavali «pravaabarončuju» premiju jaho imia, a ŭ Hrodnie nazvali ŭ jahony honar prajezd.
Ciapier čytajuć
«Adpuścicie, kali łaska, syna!» Amierykanca z amniezijaj, jaki nielehalna pryjechaŭ u Biełaruś, nie addajuć maci5
Kamientary
Darečy, niechta ź nikam "Botam" składaje śpisy tych, chto vystupaje ŭ padtrymku Zianona Paźniaka....