Rumynski kłub padazraje, što zamiest futbalista z «Barsiełony» hulaje jaho brat-bliźniuk. Chočuć rabić test DNK
Rumynski futbolny kłub «Dynama» (Bucharest) sutyknuŭsia ź niezvyčajnaj prablemaj. Kiraŭnictva pačało zdahadvacca, što zamiest darahoha navička kamandy Edhara Ie hulaje jaho brat-bliźniuk Edelin Ie, piša ispanskaja Marca.
Edhar Ie ŭ junactvie treniravaŭsia ŭ sistemie «Barsiełony» (i navat zhulaŭ adzin matč za asnoŭny skład), a paśla hulaŭ za prystojnyja kamandy z Francyi, Turcyi i Niderłandaŭ. Jaho vyklikali ŭ moładzievuju zbornuju Partuhalii, a na darosłym uzroŭni jon hulaje za zbornuju Hviniei-Bisaŭ. Futbalista padpisali zimoj, jamu płaciać 18 tysiač jeŭra na miesiac.
Ale vyśvietliłasia, što navičok zusim nie havoryć pa-anhlijsku — tolki pa-partuhalsku — i admaŭlajecca pakazvać dakumienty. Nu i ŭzrovień jaho hulni, miakka kažučy, nievysoki.
Situacyja dziŭnaja, ale, zdajecca, pryčynu ŭdałosia identyfikavać. Reč u tym, što ŭ Edhara jość brat-bliźniuk Edelin. Taksama futbalist, ale značna nižejšaha ŭzroŭniu — jon pravioŭ bolšuju častku karjery ŭ nižejšych lihach Partuhalii i Polščy.
Rumyny zdahadalisia, što, za ich kłub hulaje nie Edhar, a Edelin. «Dynama» niekalki tydniaŭ sprabuje skasavać kantrakt z hulcom, ale toj nie zhadžajecca.
Prapanujecca pravieści test DNK, ale niezrazumieła, jak heta dapamoža zrazumieć, chto z bratoŭ hulaje za rumynski kłub.
«Jamu pa načach śnilisia ludzi, jakich jon pasadziŭ». Stali viadomyja novyja detali apošnich dzion žyćcia syna Jarmošynaj4
Kamientary