Haściej navučać raźbiracca ŭ praduktach pčalarstva, prymianiać ich z karyściu i atrymlivać ad hetaha zadavalnieńnie.
Centralny bataničny sad NAN Biełarusi zaprašaje adznačyć Suśvietny dzień pčoł, piša BiełTA.
Śviata, pryśviečanaje kryłatym rabotnikam, projdzie kala ekspazicyjnaj aranžarei siońnia z 10.00 da 19.00. Haściej navučać raźbiracca ŭ praduktach pčalarstva, prymianiać ich z karyściu i atrymlivać ad hetaha zadavalnieńnie.
«Abaznanyja pčalary raskažuć, što čakaje čałavieka, kali ŭ śviecie nie stanie pčoł, jak zastavacca aktyŭnymi ŭ 90 hadoŭ i čym karysnyja miedanosy na chatnich učastkach. Dzieci i darosłyja prymuć udzieł u viktarynach, konkursach i spabornictvach. Jarkim i zapaminalnym śviata zrobiać vystupleńni salistaŭ i tvorčych kalektyvaŭ», — adznačyli ŭ Bataničnym sadzie.
Admysłovymi pryzami buduć adznačany dziaŭčynki i chłopčyki ŭ kaściumach pčołak. Projduć majstar-kłasy «Pčała pad mikraskopam» i pa vyrabie śviečak z vaščyny. A ŭ demanstracyjnym vulli možna budzie panazirać za pčalinaj siamjoj. Dla dziaciej projdzie śpiecyjalnaja akcyja «Miod zamiest cukru».
Ekskursija na pčalnik Bataničnaha sadu adbudzcca c 15.00 da 16.00.
Lekcyjna-aśvietnickaja častka mierapryjemstva projdzie z 11.00 da 15.00. Možna atrymać kansultacyju viadučych pčalaroŭ.
Naviedvalniki zmohuć pradehustavać i nabyć duchmiany miod i inšyja pradukty pčalarstva.
Ciapier čytajuć
Na Mazyrskim naftapierapracoŭčym zavodzie prajšli zatrymańni siarod kiraŭnictva1
Kamientary