U Babrujskaj kałonii adbyŭsia pažar — administracyja sprabavała heta schavać
Na miesca vyklikali pažarnyja raźliki.
![](http://nnexpictures.fra1.digitaloceanspaces.com/img/w732d4webp1/photos/z_2024_04/bobruisk240415-yyw2i.jpg.webp)
Fota: komkur.info
U Babrujskaj papraŭčaj kałonii №2 adbyŭsia pažar.
Uzharańnie adbyłosia 23 traŭnia ŭ budynku, dzie znachodzicca turemnaja krama. Administracyja kałonii chacieła schavać incydent, adnak na miesca pryjšłosia vyklikać pažarnych, i pra ŭzharańnie stała viadoma, pišuć pravaabaroncy Mayday.
Z-za pažaru zdaryłasia mocnaje zadymleńnie. Adnak uzharańnie akazałasia nieskładanym i było chutka likvidavana. Supracoŭniki MNS zabaranili pakul vykarystoŭvać budynak z «atavarkaj» dla źniavolenych.
Apošnija dva hady ŭ kałonii siłami źniavolenych i za ich rachunak idzie ramont. Administracyja choča pavialičyć pamiaškańni dla pieradač i karotkaterminovych spatkańniaŭ.
Kamientary