Novy tempieraturny rekord zarehistravany ŭ Jeziaryščy — minus 32,6°S
A naohuł samaja nizkaja tempieratura za ŭsiu historyju mieteanazirańniaŭ adznačana ŭ 1942 h. U akupavanym niemcami Tałačynie tady było minus 42,2 hradusa.
U minułuju noč u Biełarusi samaja nizkaja tempieratura pavietra zarehistravanaja na mieteastancyi Jeziaryšča heta paŭnočny ŭschod Viciebskaj vobłaści.
Na 6 hadzin ranicy jana skłała minus 32,6 hradusy, paviedamili ŭ adździele klimatu Respublikanskaha hidramieteacentra.
Heta byŭ samy nizki ŭzrovień tempieratury za minułuju noč u Biełarusi, a taksama za ciapierašni studzień. Da hetaha samaja nizkaja tempieratura pavietra ŭ hetym miesiacy była adznačana ŭ Pružanach (25 studzienia), kali słupok termomietra apuściŭsia da adznaki minus 31,6 hradusa.
Absalutny minimum tempieratury na mieteastancyi Jeziaryšča byŭ zarehistravany 16 studzienia 1940 h., kali jana składała minus 41,5 hradusa.
Darečy, u 1940 hodzie ŭ Biełarusi byli vielmi mocnyja marazy.
A samaja nizkaja tempieratura za ŭsiu historyju mieteanazirańniaŭ adznačana 17 studzienia 1942 h ŭ Tałačynie,
kali rtutny słupok termomietra apuściŭsia da adznaki minus 42,2 hradusa.
Pavodle papiaredniaj acenki śpiecyjalistaŭ Respublikanskaha hidramieteacentra, ciapierašni studzień uvojdzie ŭ piaciorku samych chałodnych za pavajenny pieryjad.
Biełaruskaja błohierka pakazała, jaki žach moža adbyvacca z vusnami, kali chočaš ich pavialičyć — a potym pamienšyć7
Kamientary