Ministr justycyi Viktar Hałavanaŭ prakamientavaŭ rašeńnie viedamstva adnosna nierehistracyi partyi Biełaruskaja chryścijanskaja demakratyja.
«Ich materyjały sapraŭdy pastupali. Ale było ŭstanoŭlena, što ciaham ich padrychtoŭki byli dapuščanyja hrubyja parušeńni, — skazaŭ ministr. — Mnohija hramadzianie nie viedali, što jany ŭstupajuć u palityčnuju partyju, inšyja nie prysutničali na ŭstanoŭčych pasiedžańniach. Źjezd taksama prajšoŭ z parušeńniami. U pryncypie, zasnavalniki z nami pahadzilisia, bo nijakich pretenzij vykazana nie było. Ja viedaju, što jany ciapier źbirajucca abskardžvać hetaje rašeńnie ŭ sudovym paradku. Ministerstva justycyi hetaha nie baicca».
Za čas znachodžańnia Viktara Hałavanava na pasadzie ministra justycyi (z kastryčnika 2001) ŭ krainie nie było zarehistravana nivodnaj partyi.«Naša Niva» zadała pytańnie, dyk moža varta spraścić paradak rehistracyi, kali nichto šmat hadoŭ nie moža pieraadoleć hetyja barjery.
«Nie skazaŭ by, što ŭ nas supieržorstki paradak rehistracyi. Praces stvareńnia hramadzianskaj supolnaści ŭ nas adbyvajecca. Na moj pohlad, kali idzie praces stvareńnia partyi,
kali vy zajaŭlajecie pra siabie na ŭsiu krainu, na ŭsiu Jeŭropu, to da ludziej treba iści z čystymi rukami. A nie šlacham manipulacyj. Uzhadajcie vypadak u Bychaŭskaj balnicy, kali ludzi nie viedali, što jany ŭstupili ŭ partyi (BCHD — «NN»). Treba stvarać arhanizacyi, jakim pavierać ludzi», — skazaŭ ministr V.Hałavanaŭ.
Na siońniašni dzień u Biełarusi zarehistravana 15 palityčnych partyj, 35 prafsajuzaŭ i 2225 hramadskich abjadnańniaŭ.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)