«Madeli ź vitryny ŭ Dubai, tamu tannyja». Doktarka ź Minska vyrašyła vyhadna zamović pyłasos i telefon — jaje padmanuli na vialikuju sumu
Žančyna maryła nabyć tannuju bytavuju techniku ŭ dom, a trapiła na machlarku. «Telefony palaciać sa ściuardami», — paabiacali joj.
Padołah Nadzieja Rahoŭskaja ź Minska buduje z mužam ułasny dom, kudy niekalki miesiacaŭ tamu vyrašyli nabyć bytavuju techniku. Svaju sumnuju historyju jana raskazała ŭ instahramie.
Ksienija ž raspaviadała pakupnikam, što moža dastavić tavar z roznych miescaŭ śvietu ŭ Sankt-Pieciarburh, a adtul da kančatkovaha spažyŭca rassyłaje SDEK. Ceny dziaŭčyna prapanoŭvała pryjemnyja, tamu Nadziei ŭsio spadabałasia.
Bajer paviedamiła, byccam taksama ciažarnaja — užo na 36-m tydni i viedaje, što dzicia narodzicca z parokam serca, tamu adrazu nieabchodna budzie rabić apieracyju. Nadzieja, kaniečnie ž, pačała škadavać budučuju maci.
Prykładna 4-5 miesiacaŭ Nadzieja prahladała čat, pakul narešcie nie ŭbačyła robat-pyłasos, pra jaki maryła.
Žančyna chutka apłaciła zamovu, a bajer napisała, što zamova paćvierdžana i treba čakać adpraŭku. Potym Nadzieja pryhladałasia da čahości biudžetnaha, ale Ksienija adhavorvała jaje ad pakupak. Paralelna bajer raskazvała pra svaju ciažarnaść i navat adpraŭlała zdymki UHD.
— Ja spytała: «Słuchaj, a jak telefon dajedzie?» Jana adkazała, što telefony laciać z Dubaja — byccam by heta raspakavanyja madeli ź vitryny, tamu takija tannyja. Ja ž kažu: «Kantejnier ža dla ich nie padydzie?». Ksienija śćviardžała, što telefony palaciać sa ściuardami.
— Paśla taho, jak usie terminy minuli — heta było 22 maja — ja była ŭ Polščy i vyrašyła spytać u Ksienii, dzie ž maja zamova. I raptam razumieju, što mnie niama kamu pisać — z supołki mianie vydalili, usiu pierapisku jana pačyściła, u instahramie zabłakavała.
Ciapier doktarka choča papiaredzić astatnich, kab jany nie trapili ŭ pastku machlaroŭ. Akaŭnt bajera Ksienii maje 165 tysiač padpisčykaŭ u instahramie. Tam paznačana, što žyvie žančyna ŭ Hiermanii i ZŠA, a pracuje tolki na ŭmovach 100% pieradapłaty. U storys kruciacca tavary, jakija byccam by možna chutka nabyć: naprykład, prapanoŭvajuć iPhone 13 i iPhone 13 Pro Max usiaho za 330 dalaraŭ z tłumačeńniem, što košt taki, bo niama karobak.
Machlary prymusili piensijanierku ŭziać try kredyty i navat zrabili svajoj pamahataj
Machlary vymanili ŭ dvuch minčukoŭ 400 tysiač rubloŭ, skazaŭšy, što ich danyja skrali inšyja machlary
Machlary zdajuć «rajski damok» pasiarod razaranaha pola pad Asipovičami. I mnohija viaducca
22-hadovy žodziniec padmanuŭ 13 biełaruskich firmaŭ i źbieh u Polšču
«Prosta zalivaješsia ślaźmi i dumaješ: za što?» Iryna Ščasnaja i jaje čatyry balučyja hady za kratami9
Kamientary