Łatvijskaja apazicyja prapanuje zabaranić hramadzianam Biełarusi pracavać u škołach
Frakcyja apazicyjnaha Nacyjanalnaha abjadnańnia ŭ Siejmie Łatvii vystupiła ź inicyjatyvaj źmianić patrabavańni da piedahohaŭ, zabaraniŭšy hramadzianam Rasii i Biełarusi pracavać u łatvijskich škołach, paviedamlaje Delfi.lv.
![](http://nashaniva.com/img/w840d4webp1/photos/z_2024_06/1020752536-rt5ml.jpg.webp)
Zdymak ilustracyjny. Fota: BaltNews.lv
Spasyłajučysia na infarmacyju Ministerstva adukacyi i navuki, Nacabjadnańnie śćviardžaje, što ciapier u škołach pracujuć 214 hramadzian Rasii i Biełarusi. Na dumku apazicyjnych palitykaŭ, heta nieprymalna, što «novaje pakaleńnie ŭ Łatvii vychoŭvajuć i vučać hramadzianie krainy-ahresara».
Adpaviedna palityki padrychtavali prajekt parłamienckaha rašeńnia, jakim ministru adukacyi i navuki budzie dadziena zadańnie ŭvieści zabaronu dla hramadzian Rasii i Biełarusi pracavać u łatvijskich navučalnych ustanovach.
Kamientary