Paśla analizu łuski, znojdzienaj na terytoryi Biełarusi, navukoŭcy zajavili pra adkryćcie novaha vidu rańnich ryb Moythomasia lebedevi, jaki isnavaŭ u Devonski pieryjad. Daśledavańnie apublikavała ŭ časopisie The Rivista Italiana di Paleontologia e Stratigrafia hrupa navukoŭcaŭ, siarod jakich kandydat hieołaha-minierałahičnych navuk Dźmitryj Płaks ź Biełaruskaha nacyjanalnaha techničnaha ŭniviersiteta. Pra heta paviedamiŭ telehram-kanał «De facto. Biełaruskaja navuka».
Devon — hieałahičny pieryjad paleazojskaj ery, jaki pačaŭsia kala 416 młn, a skončyŭsia 360 młn hadoŭ tamu. Na jaho pačatku bolšaja častka sučasnaj Biełarusi ŭžo znachodziłasia na sušy (mora adstupiła). Devonski pieryjad charaktaryzavaŭsia vialikaj raznastajnaściu ryb, tamu jaho jašče nazyvajuć «epochaj ryb».
Miarkujučy pa adkrytych krynicach, na siońnia viadomyja tolki niekalki raznavidnaściaŭ vymierłaha rodu Moythomasia. Papiaredniuju navukoŭcy adkryli ŭ 2015 hodzie. Moythomasia apisvajuć jak presnavodnuju rybu siaredniaj daŭžynioj kala dzieviaci santymietraŭ.
Vučonyja adkryli novy typ dynazaŭra, padobnaha da T-Reksa, jaki ličyŭsia stračanym
U straŭniku ŭ tyranazaŭra-padletka vyjavili jaho apošni abied — dvuch dzicianiataŭ dynazaŭraŭ
U Polščy znajšli rekordna vialikija reštki dycynadonta — najstaražytniejšaha prodka ŭsich sysunoŭ
Ziemnavodnyja źjavilisia na niekalki dziasiatkaŭ miljonaŭ hod raniej, čym dumali navukoŭcy
Były pamočnik Łukašenki Ihar Bryło pryznaŭ, što nabraŭ chabaraŭ na $2 miljony10
Kamientary