Izrail vyzvaliŭ zakładnicu, kadry vykradańnia jakoj raźlacielisia pa śviecie
Jaje bojfrend zastajecca ŭ zakładnikach.
Z pałonu vyzvalili čaćviarych izrailskich zakładnikaŭ, jakich CHAMAS zachapiŭ na muzyčnym fiestyvali padčas ataki 7 kastryčnika 2023 hoda. Pra heta paviedamili siłavyja orhany Izraila.
Ich vyratavali ŭ subotu padčas rejdu na łahier Nusiejrat u centralnaj častcy siektara Haza.
Siarod vyzvalenych — 25-hadovaja Noa Arhamani, kadry ź jakoj ablacieli ŭvieś śviet. Na tym videa, źniatym u dzień napadu CHAMAS, bajeviki vykradajuć jaje na matacykle, a dziaŭčyna kryčyć: «Nie zabivajcie mianie».
Na apublikavanym zdymku Noa ŭźjadnoŭvajecca sa svaim baćkam u balnicy Tel-Chašomier.
U jaje maci była dyjahnastavana čaćviortaja stadyja raka, i jana nieadnarazova zajaŭlała ŭ ŚMI, što choča pabačyć dačku, pakul nie skončycca čas.
U śniežni premjer-ministr Izraila Bińjamin Nietańjachu źviarnuŭsia da Kitaja pa padtrymku, pakolki maci Noa rodam z Kitaja.
Chłopiec Noa, Avinatan Or, zastajecca zakładnikam razam sa 119 inšymi vykradzienymi padčas napadaŭ CHAMASa.
Astatnija troje vyzvalenych — 21-hadovy Ałmoh Meir Džan, 27-hadovy Andrej Kazłoŭ i 40-hadovy Šłomi Ziŭ.
U zajavie izrailskich orhanaŭ havorycca, što zakładniki byli vyratavanyja z dvuch roznych miescaŭ i što ich zdaroŭje ŭ paradku.
Vidavočcy ŭ Hazie raspaviali CBS News, što pierad rejdam izrailskija vajskoŭcy byli pieraapranutyja ŭ cyvilnuju vopratku, ale ich raskryli, i adbylisia žorstkija sutyknieńni. Zatym izrailskija siły ŭmiašalisia z sušy, pavietra i mora, razbambiŭšy rajon i zabiŭšy i paraniŭšy vialikuju kolkaść mirnych žycharoŭ.
Kamientary
Maju pytańnie: hetyja viaźni dakładna viaźni, razumiejuć, dzie jany jość i što ichija načalniki atradaŭ padtrymlivajuć režymna-aperatyŭna adździeł?
Kalektyvisty, kožnaha hatunku, vas biaźvinna źniavolać, rastruščać i źjaduć.
A indyvidualisty, jak niama za vami viny, što značyć vy nie zrabili škody nikomu i ad vas niama paciarpiełaha (jak ad mirnych palestyncaŭ) - abaraniaćmuć.