U pryvatnych firmach supracoŭniki dajuć piśmovyja abiacańni, što nie buduć rabić ničoha «ekstremisckaha»
Redakcyja «Našaj Nivy» atrymała kopiju dakumienta, jaki, pavodle śćviardžeńnia krynicy, ciapier prymušajuć padpisvać supracoŭnikaŭ pryvatnych firmaŭ.
Padpisvajučy hety dakumient, supracoŭniki abaviazvajucca
«nie rabić dziejańniaŭ, jakija parušajuć zakanadaŭstva Respubliki Biełaruś, nie dapuskać destruktyŭnych prajaŭ pa miescy pracy i žycharstva, nie ŭdzielničać u niesankcyjanavanych masavych mierapryjemstvach i inšych akcyjach pratestu, nie ŭstupać u ekstremisckija i inšyja destruktyŭnyja arhanizacyi, supolnaści i supołki (čaty), nie akazvać im sadziejničańnie ŭ ich dziejnaści».
Akramia taho, padpisanty biaruć na siabie abaviazak
«nie pakidać u sietcy Internet kamientaryi niehatyŭnaha, abraźlivaha dla honaru i hodnaści źmiestu na adras Prezidenta Respubliki Biełaruś, najvyšejšych słužbovych asob, supracoŭnikaŭ pravaachoŭnych i kantrolnych orhanaŭ. Nie pieradavać infarmacyju pra takich asob na adras pradstaŭnikoŭ ekstremisckich i inšych farmavańniaŭ, u tym liku dla raźmiaščeńnia ŭ sietcy Internet».
Taksama jany zaśviedčvajuć, što im patłumačyli, što za ŭsio heta naležyć administracyjnaja i kryminalnaja adkaznaść.
Varta adznačyć, što padpisańnie hetaj papiery realna patrebna tolki dla nahniatańnia niehatyŭnaj atmaśfiery ŭ hramadstvie, jaho zastrašvańnia. Bo ad najaŭnaści ci adsutnaści podpisu pad takim dakumientam nijak nie zaležyć jurydyčnaja adkaznaść, kali siłaviki pa niejkich svaich mierkavańniach źviernuć na čałavieka ŭvahu.
«Až da zvalnieńnia»: rabotnikam dziaržstruktur rekamiendujuć nie jeździć u «niesiabroŭskija» krainy
Jak u 2020 hodzie sami siłaviki zastrašvali čynoŭnikaŭ ad imia pratestoŭcaŭ
«Nie sam ŠIZA strašny, a čakańnie». Były palitviazień raskazaŭ pra zastrašvańni administracyi, miedytacyi i śpis knih ad «topavych siadzielcaŭ»
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary