У прыватных фірмах супрацоўнікі даюць пісьмовыя абяцанні, што не будуць рабіць нічога «экстрэмісцкага»
Рэдакцыя «Нашай Нівы» атрымала копію дакумента, які, паводле сцвярджэння крыніцы, цяпер прымушаюць падпісваць супрацоўнікаў прыватных фірмаў.
Падпісваючы гэты дакумент, супрацоўнікі абавязваюцца
«не рабіць дзеянняў, якія парушаюць заканадаўства Рэспублікі Беларусь, не дапускаць дэструктыўных праяў па месцы працы і жыхарства, не ўдзельнічаць у несанкцыянаваных масавых мерапрыемствах і іншых акцыях пратэсту, не ўступаць у экстрэмісцкія і іншыя дэструктыўныя арганізацыі, супольнасці і суполкі (чаты), не аказваць ім садзейнічанне ў іх дзейнасці».
Акрамя таго, падпісанты бяруць на сябе абавязак
«не пакідаць у сетцы Інтэрнэт каментарыі негатыўнага, абразлівага для гонару і годнасці зместу на адрас Прэзідэнта Рэспублікі Беларусь, найвышэйшых службовых асоб, супрацоўнікаў праваахоўных і кантрольных органаў. Не перадаваць інфармацыю пра такіх асоб на адрас прадстаўнікоў экстрэмісцкіх і іншых фармаванняў, у тым ліку для размяшчэння ў сетцы Інтэрнэт».
Таксама яны засведчваюць, што ім патлумачылі, што за ўсё гэта належыць адміністрацыйная і крымінальная адказнасць.
Варта адзначыць, што падпісанне гэтай паперы рэальна патрэбна толькі для нагнятання негатыўнай атмасферы ў грамадстве, яго застрашвання. Бо ад наяўнасці ці адсутнасці подпісу пад такім дакументам ніяк не залежыць юрыдычная адказнасць, калі сілавікі па нейкіх сваіх меркаваннях звернуць на чалавека ўвагу.
«Аж да звальнення»: работнікам дзяржструктур рэкамендуюць не ездзіць у «несяброўскія» краіны
Як у 2020 годзе самі сілавікі застрашвалі чыноўнікаў ад імя пратэстоўцаў
«Не сам ШІЗА страшны, а чаканне». Былы палітвязень расказаў пра застрашванні адміністрацыі, медытацыі і спіс кніг ад «топавых сядзельцаў»
Каментары