U Čačersku malujuć hrafici ź siarpom, mołatam i piacikancovaj zorkaj
Vykananaje ŭ savieckim styli hrafici zojmie ścianu doma na vulicy Savieckaj u Čačersku i budzie pryśviečanaje hadavinie vyzvaleńnia Biełarusi ad niamieckaj akupacyi ŭ 1944 hodzie, piša vydańnie «Štodzień».
![](http://nashaniva.com/img/w840d4webp1/photos/z_2024_06/photo_2024-06-20_16-45-22-1a353.jpg.webp)
Na murale buduć vyjaŭlenyja ŭradžency Homiela braty Liziukovy: Alaksandr, Piotr i Jaŭhien. Jany vajavali padčas Druhoj suśvietnaj vajny ŭ Čyrvonaj armii i zahinuli daloka ad rodnaj ziamli. Alaksandr i Piotr Liziukovy byli ŭhanaravanyja zvańnia Hierojaŭ Savieckaha Sajuza, usim traim bratam pastavili pomnik u Homieli.
Pakul što praca znachodzicca na stadyi eskizu, mastak pramaloŭvaje detali. Ale ŭžo vidavočna, što tam buduć usie atrybuty, charakternyja dla savieckaha mastactva: čyrvony koler, sierp i mołat, piacikancovaja zorka, a taksama ahulnaja stylistyka.
Kamientary