Byłoha namieśnika ministra enierhietyki Michadziuka chutka pačnuć sudzić
Michadziuk ciapier u SIZA. Raniej na naradzie Łukašenka aburaŭsia, što čynoŭnik nabraŭ chabaru na dziasiatki tysiač dalaraŭ.
Sprava na byłoha namieśnika ministra enierhietyki Michaiła Michadziuka chutka budzie nakiravana ŭ sud, jana na stadyi zakančeńnia. Pra heta zajaviŭ staršynia Śledčaha kamiteta Dźmitryj Hara, pieradaje BiełTA.
«Hrašovyja srodki hety čałaviek atrymlivaŭ za zabieśpiačeńnie ŭdziełu kamiercyjnaj kampanii ŭ budaŭnictvie vysakavoltnych padstancyj na terytoryi Biełarusi», — skazaŭ Dźmitryj Hara.
Staršynia Śledčaha kamiteta adznačyŭ, što abvinavačany pajšoŭ na supracoŭnictva i vydaŭ častku hrošaj, jakija atrymaŭ u jakaści chabaru, i kampiensavaŭ tuju častku, jakuju paśpieŭ vydatkavać.
Namieśnikam ministra enierhietyki Michadziuk staŭ u 2005 hodzie. U adstaŭku jaho adpravili ŭ kancy 2023-ha.
U viedamstvie jon kiravaŭ pracaj Departamienta pa jadziernaj enierhietycy, kuryravaŭ dziejnaść Biełaruskaj AES, «Biełenierha», «Biełpalivahaz» i inšych pradpryjemstvaŭ, jakija ŭvachodziać u sistemu Ministerstva.
Kryminalnuju spravu na Michadziuka zaviali 26 studzienia 2024 hoda. Na niadaŭniaj naradzie Alaksandr Łukašenka vykazvaŭsia pra čynoŭnika:
«Heta značyć na tabie padstancyju, idzi i madernizuj, ale ty mnie daj chabar. Dziasiatki tysiač dalaraŭ!»
Chto taja prafsajuznaja aktyvistka z MAZa, jakaja paprasiła Łukašenku razabracca ŭ jutubie z «biehłymi»?16
Kamientary